ខេត្តបាត់ដំបង ៖ មុខសញ្ញាជួញដូរគ្រឿងញៀនដ៏សកម្មចំនូន០២នាក់ ត្រូវបានកម្លាំងសមត្ថកិច្ចឃាត់ខ្លួនបានជាបន្តបន្ទាប់ កាលពីព្រឹកថ្ងៃទី២៧ តុលា ខណ:ជនសង្ស័យកំពុងធ្វើសកម្មភាពជាក់ស្ដែង នៅក្នុងភូមិឈូងត្រដក់ ឃុំរកា ស្រុកសង្កែ…
ខេត្តបាត់ដំបង ៖ មុខសញ្ញាជួញដូរគ្រឿងញៀនដ៏សកម្មចំនូន០២នាក់ ត្រូវបានកម្លាំងសមត្ថកិច្ចឃាត់ខ្លួនបានជាបន្តបន្ទាប់ កាលពីព្រឹកថ្ងៃទី២៧ តុលា ខណ:ជនសង្ស័យកំពុងធ្វើសកម្មភាពជាក់ស្ដែង នៅក្នុងភូមិឈូងត្រដក់ ឃុំរកា ស្រុកសង្កែ ជាមួយនឹងវត្ថុតាងមួយចំនួនផង។
លោកសុខ និមល ប្រធានការិយាល័យប្រឆាំងបទល្មើសគ្រឿងញៀននៃស្នងការខេត្ត បានឱ្យដឹងថា ជនសង្ស័យទាំង០២នាក់នោះ ម្នាក់ឈ្មោះ ឆៀក រដ្ឋា ហៅ មូល អាយុ២៤ឆ្នាំ នៅភូមិ-ឃុំកើតហេតុ និង ម្នាក់ទៀតឈ្មោះ វឿត ហេង អាយុ២៦ឆ្នាំ នៅភូមិសម្ដេច ឃុំតាប៉ុន ស្រុកសង្កែ។
លោកសុខ និមល បានបញ្ជាក់ថា ជនសង្ស័យទាំង០២នាក់នេះ ត្រូវបានកម្លាំងអធិការស្រុកសង្កែ បង្ក្រាបបានពេលជនម្នាក់កំពុងប្រព្រឹត្តបទល្មើសជាក់ស្ដែង ហើយក្រោយពីសាកសួរ ទើបឈានដល់ការឃាត់ខ្លួនបក្សពួកបានម្នាក់ទៀត។ ជាមួយនឹងការឃាត់ខ្លួននេះ មន្ត្រីជំនាញដកហូតបានវត្ថុតាងគ្រឿងញៀនមួយចំនួនផង។
បើតាមរបាយការណ៍បានឲ្យដឹងថា ដំបូងសមត្ថកិច្ចឃាត់ខ្លួនឈ្មោះ ឆៀក រដ្ឋា ហៅ មូល លុះយកទៅសាកសួរ បានចម្លើយបឋមដែលមានជាប់ពាក់ព័ន្ធនឹងបក្សពួក ទើបកម្លាំងជំនាញឈានដល់ការឃាត់ខ្លួនឈ្មោះ វឿត ហេង ក្រោយពីមានការឯកភាពពីលោកគឺ ប៊ុណ្ណារ៉ា ព្រះរាជអាជ្ញាអមសាលាដំបូងខេត្ត។
នៅក្នុងរបាយការណ៍បានឱ្យដឹងទៀតថា ជាមួយនឹងការឃាត់ខ្លួននេះ មន្ត្រីជំនាញដកហូតបានវត្ថុតាងមួយចំនួនដូចជា ថ្នាំញៀនបហរភេទមេតំហ្វេតាមីន ICE ( ម៉ាទឹកកក ) ចំនួន០២ថង់ មានទម្ងន់៨,៣៨ក្រាម រួមទាំងសម្ភារ:សម្រាបវេចខ្ចប់ថ្នាំញៀនមួយចំនួនទៀត។ ទោះយ៉ាងណា បើតាមលោកសុខ និមល បានប្រាប់ថា ពេលនេះ មន្ត្រីជំនាញកំពុងសួរនាំជនសង្ស័យទាំង២នាក់ ដើម្បីកសាងសំណុំរឿងបញ្ជូនទៅតុលាការហើយ៕
ចែករំលែកព័តមាននេះ