Ronaldo នៅតែវិជ្ជមានកូវីដ! ចុះស្ថានភាពមិត្តស្រី និងកូនៗយ៉ាងណាហើយ?
3 ឆ្នាំ មុន
អ៊ីតាលី ៖ មិត្តស្រីរបស់កីឡាករ Cristiano Ronaldo ត្រូវបានគេរាយការណ៍ថា នៅតែទទួលលទ្ធផលតេស្តអវិជ្ជមាន Covid-19 បន្ទាប់ពីចំណាយពេលជាងមួយសប្តាហ៍រស់នៅផ្ទះក្នុងតំបន់ផ្សេងក្នុងប្រទេសអ៊ីតាលី ជាមួយកូនៗទាំង៤នាក់។…
អ៊ីតាលី ៖ មិត្តស្រីរបស់កីឡាករ Cristiano Ronaldo ត្រូវបានគេរាយការណ៍ថា នៅតែទទួលលទ្ធផលតេស្តអវិជ្ជមាន Covid-19 បន្ទាប់ពីចំណាយពេលជាងមួយសប្តាហ៍រស់នៅផ្ទះក្នុងតំបន់ផ្សេងក្នុងប្រទេសអ៊ីតាលី ជាមួយកូនៗទាំង៤នាក់។
កាសែតព័រទុយហ្កាល់ Correio da Manha បានរាយការណ៍ថា ការធ្វើតេស្តរក Covid-19 លើកចុងក្រោយបង្អស់របស់នាង Georgina Rodriguez បានបង្ហាញថានៅតែអវិជ្ជមានដដែល។ ខណៈដែល Ronaldo នៅតែកំពុងរង់ចាំលទ្ធផលនៃការធ្វើតេស្តសារជាថ្មីម្តងទៀត បន្ទាប់ពីការធ្វើតេស្តចុងក្រោយកាលពីថ្ងៃព្រហស្បតិ៍សប្តាហ៍មុន បានបង្ហាញថារូបគេនៅតែវិជ្ជមានវីរុសនេះ។
របាយការណ៍កាលពីសប្តាហ៍មុនបានឱ្យដឹងថាទាំង Juventus និង Ronaldo សុទ្ធតែរំពឹងថាខ្សែប្រយុទ្ធវ័យ ៣៥ឆ្នាំរូបនេះ នឹងអាចទទួលលទ្ធផលតេស្តអវិជ្ជមានឱ្យបានមុនការប្រកួតពានរង្វាន់ Champions League ទល់នឹងក្រុម Barcelona នៅរាត្រីថ្ងៃពុធសប្តាហ៍នេះ។
សូមបញ្ជាក់ថា ស្ថិតនៅក្រោមច្បាប់របស់សហព័ន្ធបាល់ទាត់ទ្វីបអឺរ៉ុប UEFA ម្ចាស់ពានរង្វាន់ FIFA Ballon d’Or ៥សម័យកាលរូបនេះ ត្រូវការធ្វើតេស្តចេញលទ្ធផលអវិជ្ជមាន ២៤ម៉ោងមុនពេលដែលរូបគេអាចវិលត្រឡប់មកកាន់ការប្រកួតរបស់ខ្លួនវិញ៕ (ដកស្រង់ចេញពី The Sun)
ចែករំលែកព័តមាននេះ