រាជធានីភ្នំពេញ ៖ ដើម្បីសុវត្ថិភាពបងប្អូនម្ចាស់យានយន្តគ្រប់ប្រភេទ ក្រសួងសាធារណការ និងដឹកជញ្ជូន និងរដ្ឋបាលរាជធានីភ្នំពេញសម្រេចបិទចរាចរទាំងស្រុងជាបណ្តោះអាសន្ន កំណាត់ផ្លូវជាតិលេខ២ ចាប់ពីវេលាម៉ោង០៨យប់ ថ្ងៃទី២៣ ខែតុលា ឆ្នាំ២០២០នេះតទៅ រហូតដល់មានការជូនដំណឹងជាថ្មី។
សេចក្តីជូនដំណឹងរបស់ក្រសួងបានបញ្ជាក់ថា «ដោយស្ថានភាពទឹកជំនន់បាន និងកំពុងហូរកាត់ពីលើផ្លូវជាតិលេខ២ ក្នុងភូមិសាស្ត្រខណ្ឌដង្កោ រាជធានីភ្នំពេញ បានបណ្តាលឲ្យទឹកហូរច្រោះ បាក់ជើងទេរផ្លូវ»។ ក្រសួងបានបន្តថា «ដើម្បីធានាសុវត្ថិភាពដល់បងប្អូនប្រជាពលរដ្ឋដែលធ្វើដំណើរលើដងផ្លូវជាតិនេះ រដ្ឋបាលរាជធានីភ្នំពេញ សូមធ្វើការបិទចរាចរទាំងស្រុងជាបណ្តោះអាសន្ន ចាប់ពីវេលាម៉ោង០៨យប់ ថ្ងៃទី២៣ ខែតុលា ឆ្នាំ២០២០នេះតទៅ រហូតដល់មានការជូនដំណឹងជាថ្មី»។ សូមសាធារណជនមេត្តាជ្រាប និងយោគយល់អធ្យាស្រ័យដោយសេចក្តីអនុគ្រោះ៕ ដោយ ៖ ពៅ រក្សា
ចែករំលែកព័តមាននេះ