សហរដ្ឋអាមេរិក-ចិន ៖ ក្រសួងការពារប្រទេសអាមេរិកឲ្យដឹងកាលពីថ្ងៃទី២១ តុលា ថា
ក្រសួងការបរទេសអាមេរិកបានអនុម័តយល់ស្របចំពោះការលក់អាវុធទំនើបៗជាច្រើនដល់
តៃវ៉ាន់ ក្នុងនោះមានបណ្ដាឧបករណ៍ចាប់គោលដៅ និងបណ្ដាមីស៊ីល ដែលមានទឹកប្រាក់ដល់ទៅប្រមាណជា១,៨ពាន់លានដុល្លារ ។
ការប្រកាសនោះរបស់មន្ទីរប៉ង់តាហ្កោន កើតមានបន្ទាប់ពីរ៉យទ័ររាយការណ៍កាលពីសប្ដាហ៍មុនថា សេតវិមានបានលើកពីការលក់អាវុធទំនើបៗដល់កោះតៃវ៉ាន់ ខណៈក្រុងវ៉ាស៊ិនតោនបង្កើនការគាបសង្កត់ប្រឆាំងក្រុងប៉េកាំង ។
រដ្ឋមន្ត្រីការពារតៃវ៉ាន់បានថ្លែងអំណរគុណចំពោះសហរដ្ឋអាមេរិកនិងថ្លែងថា ការលក់អាវុធនោះគឺសំដៅជួយតៃវ៉ាន់ក្នុងការបង្កើនសមត្ថភាពការពារប្រឈមមុខនឹងការគំរាមកំហែងរបស់ចិនដីគោក ហើយសម្ដែងពីការប្ដេជ្ញាចិត្តក្នុងការការពារខ្លួន ។ នៅមុខបណ្ដាអ្នកកាសែតរដ្ឋមន្ត្រីរូបនោះ
លោក YEN DE FA និយាយថា បែបនោះបង្ហាញពីសារសំខាន់ដែលអាមេរិកផ្ដោតលើសន្តិសុខក្នុងតំបន់ឥណ្ឌូ-ប៉ាស៊ីហ្វិក និងច្រកសមុទ្រតៃវ៉ាន់ ។
ចំណែកចិនវិញអ្នកនាំពាក្យក្រសួងការបរទេស លោក ZHAO LIJIAN ក្នុងសន្និសីទកាសែតប្រចាំថ្ងៃអះអាងថា អាមេរិកត្រូវតែបញ្ឈប់ការលក់អាវុធទាំងនោះ ។ លោកបន្តថាការធ្វើបែប
នេះជាការលូកដៃចូលកិច្ចការផ្ទៃក្នុងចិននាំឲ្យប៉ះពាល់ធ្ងន់ធ្ងរដល់អធិបតេយ្យភាព និងផលប្រយោជន៍សន្តិសុខរបស់ចិន និងជាការបញ្ជូនសញ្ញាភាន់ច្រឡំខ្លាំងមួយចំពោះកម្លាំងឯករាជ្យ និយមនៅតៃវ៉ាន់ និងជាការបំផ្លាញធ្ងន់ធ្ងរដល់ទំនាក់ទំនងចិន-អាមេរិក ព្រមទាំងសន្តិភាព និង
ស្ថេរភាពនៅច្រកសមុទ្រតៃវ៉ាន់ ។ ចិននឹងឆ្លើយតបវិញយោងទៅតាមការវិវត្តន៍នៃសភាពការណ៍។
រដ្ឋការលោកដូណាល់ ត្រាំ រយៈពេលប៉ុន្មានឆ្នាំចុងក្រោយនេះបានជម្រុញការលក់អាវុធឲ្យកោះតៃវ៉ាន់ដោយបង្ហើយនាពេលថ្មីៗនេះនូវកុងត្រាមួយនៃការទិញយន្តហោះប្រដេញអាមេរិកធុនF-16 ជំនាន់ថ្មីដល់ទៅ៦៦គ្រឿងនិងអាចឈានទៅទិញដល់៩០គ្រឿង ។
ម្យ៉ាងទៀតអាមេរិកមានបំណងលក់ឲ្យតៃវ៉ាន់បណ្ដាម៉ីស៊ីលបណ្ដែតដែលអាចបាញ់ដល់ចិន ។
នោះគឺជាមីស៊ីលការពារឆ្នេរសមុទ្រធុនSLAM-ER ដែលអាចបាញ់ដល់ចិនដោយស្រួល ។ ការលក់មីស៊ីលធុននោះ១៣៥គ្រឿងមានទឹកប្រាក់ប្រមាណជា១ពាន់លានដុល្លារ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ