ជ័យជម្នះយប់មិញ! Barcelona សម្រេចបន្តកុងត្រាថ្មីដល់កីឡាករសំខាន់៤រូប
អេស្ប៉ាញ ៖ FC Barcelona សម្រេចតកុងត្រាថ្មីដល់កីឡាករចំនួន ៤នាក់របស់ខ្លួនរួមមាន Gerard Pique, Marc-Andre ter…
អេស្ប៉ាញ ៖ FC Barcelona សម្រេចតកុងត្រាថ្មីដល់កីឡាករចំនួន ៤នាក់របស់ខ្លួនរួមមាន Gerard Pique, Marc-Andre ter…
អេស្ប៉ាញ ៖ FC Barcelona សម្រេចតកុងត្រាថ្មីដល់កីឡាករចំនួន ៤នាក់របស់ខ្លួនរួមមាន Gerard Pique, Marc-Andre ter Stegen, Clement Lenglet និង Frenkie de Jong ពោលនៅក្រោយជ័យជម្នះ ៥-១ ក្នុងក្របខណ្ឌ Champions League លើក្រុម Ferencvaros កាលពីយប់មិញ។
Gerard Pique បានបន្តកិច្ចសន្យារហូតដល់ខែមិថុនា ឆ្នាំ២០២៤ ខណៈតម្លៃផ្តាច់កុងត្រារបស់ខ្សែការពារអេស្ប៉ាញរូបនេះ មានតម្លៃដល់ ៥០០លានអឺរ៉ូ ប្រសិនបើក្លិបផ្សេងចង់បានរូបគេ។ ហើយកិច្ចសន្យានេះ នឹងគិតរាប់ចាប់ពីរដូវកាល ២០២១/២២ តទៅ។
ដោយឡែកអ្នកចាំទី ter Stegen ក៏បានបន្តកិច្ចសន្យាថ្មី រហូតដល់ខែមិថុនា ឆ្នាំ២០២៥ ដែលធ្វើឱ្យ តម្លៃផ្តាច់កុងត្រាក៏មានចំនួន ៥០០លានអឺរ៉ូផងដែរ។ ស្របពេលដែលខ្សែការពារ Lenglet និងខ្សែបម្រើ de Jong ក៏បានបន្តកិច្ចសន្យាពួកគេរហូតដល់ឆ្នាំ២០២៦ ដូចគ្នា។ ដែលតម្លៃផ្តាច់កុងត្រារបស់ Lenglet មានចំនួន ៣០០លានអឺរ៉ូ ខណៈដែល de Jong គឺ ៤០០លានអឺរ៉ូ។
សេចក្តីថ្លែងការណ៍របស់ Barcelona បានឱ្យដឹងថា មុនឈានដល់ការសម្រេចកិច្ចព្រមព្រៀងទាំងនេះ ក្លិបរួមទាំងសាមីខ្លួនបានពិភាក្សាគ្នាអស់ជាច្រើនសប្តាហ៍ ហើយក្នុងនោះរួមមានទាំងការកែសំរួលប្រាក់ខែបណ្តោះអាសន្ន ដោយសារតែកាលៈទេសៈបច្ចុប្បន្នកំពុងមានវិបត្តិ Covid-19៕ (ដកស្រង់ចេញពី Marca)
ចែករំលែកព័តមាននេះ