ខេត្តសៀមរាប ៖ ថៃ្ងទី២១ ខែតុលា ឆ្នាំ២០២០នេះ ការិយាល័យកសិកម្មធនធានធម្មជាតិនិងបរិស្ថានស្រុកសូទ្រនិគម ខេត្តសៀមរាប បានសហការជាមួយឃុំកៀនសង្កែ ឃុំដំដែក និង ឃុំខ្ចាស់ ចុះសម្អាតបរិស្ថានតាមដងផ្លូវជាតិលេខ៦ ចាប់ពីព្រំប្រទល់ស្រុកជីក្រែងដល់ព្រំប្រទល់ស្រុកប្រាសាទបាគង ។ នេះបើតាមក្រសួងបរិស្ថានបានចេញផ្សាយនៅថ្ងៃទី២១ ខែតុលានេះ។
ទាំងនេះ គឺជាភាពជាម្ចាស់នៃការគ្រប់គ្រង និងសម្អាតអនាម័យបរិស្ថាន នៅតាមមូលដ្ឋានរបស់ខ្លួន ហើយក៏ជាការបង្ហាញពីការចូលរួមរបស់គ្រប់ភាគីពាក់ព័ន្ធទាំងអស់ ក្នុងកិច្ចគាំពារបរិស្ថាន និងធនធានធម្មជាតិផងដែរ ។ សូមចូលរួមថែរក្សាបរិស្ថានដែលនៅជុំវិញខ្លួនអ្នកឲ្យបានស្អាត និងល្អជានិច្ច ៕
ចែករំលែកព័តមាននេះ