រាជធានីភ្នំពេញ ៖ ជនសង្ស័យចែកចាយថ្នាំញៀន៣នាក់ ត្រូវកម្លាំងកងរាជអាវុធហត្ថខណ្ឌច្បារអំពៅ ធ្វើការឃាត់ខ្លួនបាន កាលពីវេលាម៉ោង០៤រសៀលថ្ងៃទី០៤ ឧសភា ២០១៥ ស្ថិតនៅចំណុចផ្ទះជួលគ្មានលេខ ក្នុងភូមិតាង៉ូវក្រោម សង្កាត់និរោធ ខណ្ឌច្បារអំពៅ ។
ប្រភពបានឱ្យដឹងថា ជនសង្ស័យទាំង៣នាក់ ១-ឈ្មោះតាំង វៀន អាយុ៣២ឆ្នាំ ជាកម្មករសំណង់ ស្នាក់នៅភូមិតាង៉ូវក្រោម សង្កាត់និរោធ ខណ្ឌច្បារអំពៅ ២-ឈ្មោះពៅ សាវឿន អាយុ២៣ឆ្នាំ ជាអ្នករត់ម្ហូបតុការ ស្នាក់នៅភូមិតាង៉ូវក្រោម សង្កាត់និរោធ ខណ្ឌច្បារអំពៅ និង៣-ឈ្មោះផា សុភក្តិ អាយុ២២ឆ្នាំ ជាជាងបាញ់ថ្នាំរថយន្ត ស្នាក់នៅភូមិតាងូវក្រោម សង្កាត់និរោធ ខណ្ឌច្បារអំពៅ ។ ក្រោយពេលឃាត់ខ្លួន កម្លាំងដកហូតបានថ្នាំញៀនប្រភេទក្រាម.សថ្លាចំនួន២កញ្ចប់តូច, ដែកកេសសម្រាប់ជក់៣, ទូរសព្ទ័២គ្រឿង, អាយកូម១, នាឡិកាដៃ១ និងលុយចំនួន៨៨.៥០០រៀលទៀត ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ