អ៊ីតាលី ៖ ក្លិបសេះបង្កង់ Juventus កំពុងរៀបចំការដេញថ្លៃបំបែកឯតទគ្គកម្មពិភពលោក ក្នុងទំហំទឹកប្រាក់ ៤០០លានអឺរ៉ូសម្រាប់នាំយកខ្សែប្រយុទ្ធឆ្នើម Kylian Mbappé ពីក្រុម…
អ៊ីតាលី ៖ ក្លិបសេះបង្កង់ Juventus កំពុងរៀបចំការដេញថ្លៃបំបែកឯតទគ្គកម្មពិភពលោក ក្នុងទំហំទឹកប្រាក់ ៤០០លានអឺរ៉ូសម្រាប់នាំយកខ្សែប្រយុទ្ធឆ្នើម Kylian Mbappé ពីក្រុម Paris Saint-Germain នៅឆ្នាំ ២០២១ ខាងមុខ។
បើយោងតាមរបាយការណ៍ពីកាសែត Tuttosport របស់អ៊ីតាលីបានអះអាងថា Juventus កំពុងប្រឹងប្រែងឱ្យអស់ពីលទ្ធភាពក្នុងការប្រមូលមូលនិធិដែលចាំបាច់ ដើម្បីនាំយកខ្សែប្រយុទ្ធក្រុមជម្រើសជាតិបារាំងវ័យ ២១ឆ្នាំរូបនេះ មកកាន់ទឹកដី Allianz។
វានឹងក្លាយជាការបំពេញក្តីសុបិនមួយសម្រាប់អ្នកគាំទ្ររបស់ Juventus និងជាពិសេសសម្រាប់ Mbappé ផ្ទាល់តែម្តង ដើម្បីមានឱកាសលេងជាមួយនិមិត្តរូបរបស់ខ្លួន (Idol) គឺកីឡាករ Cristiano Ronaldo ដែលរូបគេស្រលាញ់ និងគាំទ្រតាំងពីនៅកុមារភាព។ ហើយហេតុផលនេះ ក៏ជាការបើកផ្លូវមួយសម្រាប់ Juventus ក្នុងការដេញថ្លៃកីឡាករកំពូលល្បឿនរូបនេះពី PSG៕
ចែករំលែកព័តមាននេះ