ប្រទេសថៃ ៖ ប្រទេសថៃកាលពីថ្ងៃទី១៥តុលាបានបំបែកដោយស្ងៀមស្ងាត់ ពួកបាតុករស្និទ្ធប្រជាធិបតេយ្យនៅក្រុងបាងកក ខណៈមានការអំពាវនាវឲ្យមានការប្រមូលផ្ដុំគ្នាធ្វើបាតុកម្មនាថ្ងៃទី១៦តុលាទៀត។
បាតុករច្រើនពាន់នាក់បានប្រមូលផ្ដុំគ្នា កាលពីថ្ងៃទី១៥តុលានៅក្រុងបាងកក ដោយផ្កើនការហាមឃាត់មិនឲ្យប្រមូលផ្ដុំមនុស្សលើសពី៥នាក់ ត្រូវបានបំបែកដោយស្ងាត់ស្ងៀម តែចលនាតវ៉ាដែលហា៊នរហូតដល់វាយប្រហាររិះគន់ព្រះមហាក្សត្របានអំពាវនាវឲ្យមានបាតុកម្មធំថ្មីនាថ្ងៃទី១៦តុលា។
ក្រោយម៉ោង២២ម៉ោងក្នុងស្រុកបន្តិច មនុស្សប្រមាណជា១០.០០០នាក់ ដែលដើរហែក្បួននៅកណ្ដាលក្រុងបាងកក ដើម្បីតវ៉ាប្រឆាំងការចាប់ខ្លួនមេដឹកនាំនៃចលនាតវ៉ាច្រើននាក់ បានចាកចេញពីទីតាំងប្រមូលផ្ដុំគ្នា។ ប៉ុន្តែបណ្ដាអ្នករៀបចំបានអំពាវនាវឲ្យមានបាតុកម្មធាំថ្មីនាថ្ងៃទី១៦តុលា។
អាជ្ញាធរបានបន្តឹងសំឡេង ប្រឆាំងការតវ៉ារបស់ពួកនិស្សិតដែលផ្គើនចាប់តាំងពីរដូវក្ដៅមក។ អាជ្ញាធរបានចេញក្រិត្យបន្ទាន់មួយ ដែលក្រៅពីហាមមិនឲ្យមានការប្រមូលផ្ដុំនយោបាយនិងហាមមិនឲ្យផ្ញើសារតាមអនឡាញនានា ដែលអាចបំផ្លាញដល់សន្តិសុខជាតិឬបង្កការបំភ័យ។ រដ្ឋាភិបាលលើកហេតុផលពីការហាមឃាត់នោះថា បាតុករប្រព្រឹត្តអំពើនានាផ្ទុយពីរដ្ឋធម្មនុញ្ញ។
រដ្ឋាភិបាលក៏បរិហារដែរ ចំពោះការរារាំងក្បួនរថយន្តរបស់ព្រះបរមរាជវាំង ពីសំណាក់ពួកអ្នកតវ៉ា កាលពីថ្ងៃទី១៤តុលានៅខាងក្រៅការហែក្បួនបាតុកម្មមួយ ដែលមានមនុស្សចូលរួមច្រើនពាន់នាក់នៅក្រុងបាងកក។ មនុស្សជាង២០នាក់បានត្រូវចាប់ខ្លួន ក្នុងនោះមានសកម្មជន២រូបក្នុងចំណោមសកម្មជនដែលប្រទូស្តរ៉ាយបំផុតចំពោះព្រះមហាក្សត្រ។
ចលនាស្និទ្ធប្រជាធិបតេយ្យ បានទាមទារឲ្យនាយករដ្ឋមន្ត្រីលោកប្រាយុទ្ធចាន់អូចាលាលែងចេញពីតំណែង ឲ្យមានការកែប្រែរដ្ឋធម្មនុញ្ញ បង្កើតឡើងកាលពីឆ្នាំ២០១៧ ក្រោមរបបយោធានិងផ្ដល់ប្រៀបច្រើនដល់ពួកយោធា៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ