ការបើករថយន្តចតស្របទិសដៅគ្នាជាកត្ដាមួយធ្វើឱ្យអ្នកបើកបរថ្មីថ្មោងជាច្រើនកើតក្ដីមិនស្រួលក្នុងចិត្ត ។ ម្យ៉ាងទីធ្លាតូចចង្អៀតក៏ដូចជាលទ្ធភាពប៉ះពៀរនឹងរថយន្តដទៃនៅទីចំណតនោះ
ការបើករថយន្តចតស្របទិសដៅគ្នាជាកត្ដាមួយធ្វើឱ្យអ្នកបើកបរថ្មីថ្មោងជាច្រើនកើតក្ដីមិនស្រួលក្នុងចិត្ត ។ ម្យ៉ាងទីធ្លាតូចចង្អៀតក៏ដូចជាលទ្ធភាពប៉ះពៀរនឹងរថយន្តដទៃនៅទីចំណតនោះជាកត្ដានាំកង្វល់មិនចេះចប់ទៀតផង ។ នៅពេលដែលអ្នកស្ទាត់ជំនាញតាមលំនាំប្រតិបត្តិការបើកចតនេះហើយអ្នកប្រាកដជាធានាបានថាអាចចតកៀកទៅនឹងចិញ្ចើមផ្លូវបានល្អតាមដែលអាចធ្វើទៅបានជាមិនខាន ។
ខាងក្រោមនេះគឺជាសេចក្ដីណែនាំពីរបៀបចតរថយន្តកៀកទៅនឹងចិញ្ចើមផ្លូវបានដោយសុវត្ថិភាព ៖
១-យកចង្កូតឆ្ពោះទៅកាន់ទីធ្លាដែលអ្នកចង់ចតនោះដោយចតស្របទិសគ្នា ឬចតលើចិញ្ចើមថ្នល់ធម្មតាក៏បានប្រសិនជាពេលនោះពុំមានរថយន្តដទៃ ។ ត្រូវពិនិត្យតាមកញ្ចក់រថយន្តអ្នកឱ្យបានច្បាស់ហើយប្រើប្រាស់សញ្ញាផ្សេងៗមុននឹងឈប់ឬក៏ចត ។
២-ក្រឡេកមើលថាតើគម្លាតពីរថយន្តអ្នកទៅនឹងចិញ្ចើមថ្នល់មានចន្លោះកម្រិតណា ។ ប្រសិនបើរថយន្តនៅឆ្ងាយពេកពីចិញ្ចើមផ្លូវចូរបើកថយក្រោយដោយយកចង្កូតឆ្ពោះទៅរកចិញ្ចើមថ្នល់ទើបជាការប្រសើរ ។
៣-យកចង្កូតឱ្យត្រង់ផ្លូវបើកទៅមុខស្របតាមការបំលាស់ទីរបស់រថយន្ត ។
៤-អនុវត្តនីតិវិធីដូចនេះម្ដងហើយម្ដងទៀតរហូតដល់អ្នកអាចទទួលយកបាននូវគម្លាតមួយពីចិញ្ចើមផ្លូវជាការស្រេច ៕
ចែករំលែកព័តមាននេះ