វិធីសាស្ត្រកាត់បន្ថយការបញ្ចេញឧស្ម័នCO2ពីរថយន្ត
ការបំភាយចេញនូវឧស្ម័នពុល CO2 (កាបូនឌីអុកស៊ីត) ពីរថយន្តគឺអាចឆ្លើយតបនឹងសារសំខាន់នៃបរិមាណបញ្ចេញឧស្ម័នពុលទៅនឹងបរិស្ថានជារៀងរាល់ឆ្នាំ តាមបណ្តាប្រទេសនានាលើ
ការបំភាយចេញនូវឧស្ម័នពុល CO2 (កាបូនឌីអុកស៊ីត) ពីរថយន្តគឺអាចឆ្លើយតបនឹងសារសំខាន់នៃបរិមាណបញ្ចេញឧស្ម័នពុលទៅនឹងបរិស្ថានជារៀងរាល់ឆ្នាំ តាមបណ្តាប្រទេសនានាលើពិភពលោក ។ ដូចនេះបណ្តាក្រុមហ៊ុនផលិតរថយន្តជាច្រើនបានសម្រិតសម្រាំងនាំមកនូវគុណសម្បត្តិនៃការធ្វើឱ្យប្រសើរទ្បើងក្នុងការបន្ថយកម្រិតបញ្ចេញផ្សែង ឬឧស្ម័ន CO2 របស់រថយន្ត ។ ខាងក្រោមនេះ គឺជាវិធីសាស្ត្រកាត់បន្ថយការបញ្ចេញឧស្ម័នពល CO2 ពីរថយន្តដូចតទៅ៖
១-ថែទាំរថយន្តរបស់អ្នក ការថែទាំតាមធម្មតាទៀងទាត់ពេលវេលានឹងបង្កើនទាំងប្រសិទ្ធភាពសន្សំសំចៃប្រេងឥន្ធនៈ នឹងកាត់បន្ថយការបញ្ចេញឧស្ម័នពុល CO2 ។ លើសពីនេះត្រូវធានាថា តម្រង់ខ្យល់(សម្បុកអ៊ែរ) និងតម្រងប្រេងរថយន្តអ្នកត្រូវបានផ្លាស់ប្តូរទៀងទាត់ ហើយសម្បកកង់រថយន្តសប់បំប៉ោងបានត្រឹមត្រូវ ។ ធ្វើបែបនេះនឹងធ្វើឱ្យប្រសើរទ្បើងនូវប្រតិបត្តិការរបស់រថយន្ត និងកាត់បន្ថយការបញ្ចេញឧស្ម័នពុលជាលំដាប់ ។ ប្រេងឥន្ធនៈកាន់តែតិចដែលរថយន្តអ្នកត្រូវការបំភាយចេញនូវឧស្ម័នក៏កាន់តែតិចដែរ ដូច្នេះវិធានការសន្សំសំចៃប្រេងឥន្ធនៈបែបនេះក៏នឹងអាចជួយដល់ការកាត់បន្ថយការបញ្ចេញឧស្ម័នបានដែរ ។
២-ប្រើប្រាស់ប្រេងឥន្ធនៈដែលមានគុណភាព(សាំងស៊ុបពែរ) និងប្រេងម៉ាស៊ីនដែលមានភាពខាប់អន្ធិលកម្រិតទាប ប្រេងឥន្ធនៈគុណភាពខ្ពស់មានប្រតិបត្តិការដុតបញ្ឆេះកាន់តែមានប្រសិទ្ធភាព ហើយវាក៏កាត់បន្ថយការស៊ីសាំង និងបញ្ចេញឧស្ម័ន CO2 ផងដែរ ។ ចំណែកការប្រើប្រេងម៉ាស៊ីនដែលមានភាពអន្ធិលកម្រិតទាប ក៏បានបង្ហាញឱ្យឃើញពីការពង្រីកបាននូវរយៈចម្ងាយបើកបរកាន់តែឆ្ងាយស៊ីប្រេងកាន់តែតិច ហើយក៏នឹងកាត់បន្ថយអត្រាបញ្ចេញឧស្ម័ន CO2 បានទៀតផង។
៣-បើពុំមានការចាំបាច់កុំសូវបើករថយន្តទៅណាមកណាច្រើនពេក គឺប្រើប្រាស់មធ្យោបាយបំលាស់ទីដទៃជំនួសវិញម៉ូតូទើបជាការប្រសើរ ។
៤-ប្តូរមកប្រើរថយន្តប្រភេទ Hybrid ឬម៉ាស៊ីនកូនកាត់ជំនួសវិញ អាចធ្វើទៅបាន ព្រោះរថយន្តទាំងនោះស៊ីប្រេងតិច ហើយក៏បញ្ចេញឧស្ម័នតិចដែរ ។ ម្យ៉ាងបើជារថយន្តថ្មីសន្លាងនោះវាប្រាកដជាមានអត្រាបញ្ចេញឧស្ម័នកម្រិតខ្ពស់ជាងស្តង់ដាទៅទៀត ៕
ចែករំលែកព័តមាននេះ