សហរដ្ឋអាមេរិក ៖ ស្ត្រីទីមួយសហរដ្ឋអាមេរិកលោកស្រីមីឡានីញ៉ាត្រាំ ប្រកាសនាថ្ងៃទី១៤តុលាថា BARRON TRUMPកូនប្រុសរបស់លោកស្រីជាមួយលោកដូណាល់ត្រាំ ក៏ធ្វើតេស្តឃើញលទ្ធផលវិជ្ជមាននៃការឆ្លងវីរុសCOVID-19ដែរ ហើយលោកស្រីបញ្ជាក់ថា ក្រោយមករូបគេធ្វើតេស្តឃើញលទ្ធផលអវិជ្ជមានវិញ។
ប្រធានាធិបតីអាមេរិកបន្តិចក្រោយមកគូសបញ្ជាក់ ក្នុងឱកាសនៃការធ្វើដំណើររបស់លោកទៅកាន់រដ្ឋអៃយូវ៉ា ចូលរួមក្នុងយុទ្ធនាការឃោសនាបោះឆ្នោតថា BARRON មានសុខភាពល្អ។ លោកស្រីមីឡានីញ៉ាក្នុងអត្ថបទមួយមានចំណងជើងថា បទពិសោធន៍របស់ខ្ញុំ ជាមួយCOVID-19 សរសេរថា ពិតណាស់ភ្លាមៗខ្ញុំគិតដល់កូនប្រុសយើង។ លោកស្រីនិងស្វាមីកាលពី២សប្ដាហ៍មុនធ្វើតេស្តឃើញលទ្ធផលវិជ្ជមាននៃការឆ្លងវីរុស។
ស្ត្រីទីមួយអាមេរិកសរសេរទៀតថា យើងបានធូរស្រាលក្នុងចិត្តខ្លាំងវិញហើយ ក្រោយធ្វើតេស្តឃើញកូនប្រុសមានលទ្ធផលអវិជ្ចមានវិញ។ ការព្រួយបារម្ភរបស់ខ្ញុំបានក្លាយជាការពិត ពេលកូនប្រុសធ្វើតេស្តឃើញលទ្ធផលវិជ្ចមាន តែក្រោយមករូបគេធ្វើតេស្តឃើញលទ្ធផលអវិជ្ជមានវិញ។ ពិតជាសំណាងដែលក្មេងប្រុសម្នាក់ពេលនេះមានសុខភាពមាំមួនវិញ និងពុំមានរោគសញ្ញាណាមួយ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ