ព្យុះ​ឈ្មោះ​ «ណា​ង​កា» ​កំពុង​វាយ​ប្រហារ​​លើ​វៀតណាម


ប្រទេស​វៀតណាម ៖ តាម​ទីភ្នាក់ងារ​ព័ត៌មាន​ផ្លូវការ​វៀតណាម​ VNA​ ថា ព្យុះ​ទី​៧​ក្នុង​សមុទ្រ​ខាង​កើត​នា​ឆ្នាំ​នេះ​ឈ្មោះ​ ណា​ង​កា (​NANGKA) បាន​វាយប្រហារ​ដល់​ឈូង​សមុទ្រ​ BAC BO ​ហើយ កាលពី​ព្រឹក​ថ្ងៃ​ទី​១៤​ ខែ​តុលា ឆ្នាំ២០២០នេះ ជាមួយ​ល្បឿន​ខ្យល់​ពី​៧៥​ទៅ​៩០​គីឡូម៉ែត្រ​ក្នុង​១​ម៉ោង​។

នា​ថ្ងៃ​ទី​១៤ ​តុលា ​វេលា​ម៉ោង​១៣​ម៉ោង​ក្នុងស្រុក ព្យុះ​នេះ​នឹង​បោកបក់​មក​ដល់​ឆ្នេរសមុទ្រ​នៃ​ខេត្ត​ថៃ​ប៊ី​ញ ​ភាគ​ខាងជើង​ប្រទេស​វៀតណាម និង​មក​ដល់​ខេត្ត​ង៉េ​អាន​ ភាគ​កណ្ដាល ជាមួយ​ល្បឿន​ខ្យល់​ពី​៦០​ទៅ​៩០​គីឡូម៉ែត្រ​ក្នុង​១​ម៉ោង​។

បន្ទាប់​ពី​បោកបក់​ដល់​ដែនដី ពី​ខេត្ត​ថៃ​ប៊ី​ញ ​ដល់​ខេត្ត​ង៉េ​អាន នា​ថ្ងៃ​ទី​១៤ ខែ​​តុលា ​វេលា​ម៉ោង​១៣ រហូត​ទៅ​ថ្ងៃ​ទី​១៥ ​តុលា​ នា​វេលា​ថ្ងៃត្រង់ ព្យុះ​នេះ​បាន​ចុះ​ថមថយ​កម្លាំង​មក​ជា​វិ​សម្ពាធ​ទាប ដែល​រំកិល​មក​កាន់​ប្រទេស​ឡាវ​​បន្ត​ទៀត​៕ ដកស្រង់​ចេញពី​វេ​ប​សាយ ៖ lecourrier

Facebook Google Twitter Email

Live

Sponsored News

ការស្ទង់មតិគេហទំព័រថ្មី




    សូម​អរគុណ