ការផ្លាស់ប្តូរជុំវិញពិភពលោកតម្រូវឲ្យទស្សនៈពីលុយ និងវិធីសាស្ត្រក្នុងការចាត់ចែងលុយផ្លាស់ប្តូរផងដែរ។ ជាមួយគ្នានេះដែរដំបូន្មានដែលមានប្រសិទ្ធភាពកាលពីឆ្នាំ ២០០៩ និង ២០១៩ អាចនឹងមិនមានប្រសិទ្ធភាពទៀតទេក្នុងឆ្នាំ ២០២០ នេះ។ដើម្បីជៀសវាងអនុវត្តតាមដំបូន្មានដែលហួសសម័យកាល ចូរអ្នកជៀសវាងដំបូន្មានខាងក្រោមនេះ៖
១. ការសងបំណុល
ពីមុន អ្នកប្រហែលជាធ្លាប់លឺពីដំបូន្មានថាអ្នកគួរតែព្យាយាមសងបំណុលឲ្យអស់ជាមុនសិនចាំគិតរឿងសន្សំលុយ។ ប៉ុន្តែជាក់ស្តែងក្នុងសម័យកាលថ្មីនេះ អ្នកចាំបាច់ត្រូវអនុវត្តតាមវិធីសាស្ត្រចម្រុះ។ ជាក់ស្តែង ប្រសិនបើអ្នកមានបំណុលដែលមានការប្រាក់ខ្ពស់ អ្នកគួរតែព្យាយាមបង់វាជាមុនសិនមុនពេលគិតរឿងសន្សំលុយ។
តែប្រសិនបើអ្នកមិនមានបំណុលដែលមានអត្រាការប្រាក់ខ្ពស់ពេកទេ អ្នកគួរតែផ្តោតស្មារតីលើការសន្សំឲ្យបានច្រើនដើម្បីមានប្រាក់បម្រុងទុកគ្រាមានអាសន្ន។ វាពិតជាសំខាន់ណាស់ក្នុងពេលដែលសេដ្ឋកិច្ចមានភាពមិនប្រាកដប្រជាដូចសព្វថ្ងៃនេះ។
២. ការវិនិយោគ
ប្រសិនបើអ្នកព្រួយបារម្ភពីការវិនិយោគរហូតដល់គេងមិនលក់រាល់យប់នោះ វាជាមុខសញ្ញាបង្ហាញថាអ្នកគួរតែពិនិត្យមើលការវិនិយោគរបស់អ្នកឡើងវិញហើយដើម្បីធានាថាអ្នកវិនិយោគបានត្រឹមត្រូវពិតមែន។ អ្នកមិនចាំបាច់ត្រូវដកលុយមកទុកទាំងស្រុងនិងជៀសវាងការវិនិយោគទាំងអស់ទេ ប៉ុន្តែអ្នកត្រូវជៀសវាងការប្រើអារម្មណ៍ទៅធ្វើការសម្រេចចិត្តរឿងវិនិយោគ។
៣. ភាពជោគជ័យ
មនុស្សដែលជោគជ័យជាច្រើនឧស្សាហ៍និយាយថា អ្នកនឹងទទួលបានភាពជោគជ័យប្រសិនបើអ្នកខិតខំប្រឹងប្រែង។ ប៉ុន្តែក្នុងឆ្នាំ ២០២០ នេះ ការខិតខំប្រឹងប្រែងប្រហែលជាមិនគ្រប់គ្រាន់ក្នុងការការពារអ្នកពីបញ្ហាហិរញ្ញវត្ថុទាំងស្រុងទេ។
មនុស្សម្នាក់ៗនឹងត្រូវការមនុស្សគាំទ្រ ហើយអ្នកមិនអាចសម្រេចបានការជោគជ័យដោយខ្លួនឯងបានទេ។ អ្នកត្រូវតែចេះសុំឲ្យអ្នកដទៃជួយ សួរសំណួរពេលដែលអ្នកមានចម្ងល់ និងទាក់ទងទៅមនុស្សដែលអាចជួយអ្នកបាន។
ចែករំលែកព័តមាននេះ