រាជធានីភ្នំពេញ ៖ បុរសម្នាក់រវល់តែទៅរត់តុការនៅឆ្ងាយ ទុកប្រពន្ធឲ្យនៅផ្ទះជាមួយកូនស្រីតូច អាយុ៤ឆ្នាំម្នាក់ ស្រាប់តែយប់ឡើងបុរសម្នាក់ទៀតដែលរស់នៅផ្ទះចម្ងាយពីគ្នាជាង១០ម៉ែត្រឡើងទៅធ្វើសកម្មភាពធ្វើទារុណកម្មដោយយកខ្សែភ្លើងឆក់ និងដាល់ច្រើនដៃ រួចចាប់រំលោភសេពសន្ថវៈរហូត បានសម្រេច រួចគេចខ្លួនបាត់ស្រមោល…
រាជធានីភ្នំពេញ ៖ បុរសម្នាក់រវល់តែទៅរត់តុការនៅឆ្ងាយ ទុកប្រពន្ធឲ្យនៅផ្ទះជាមួយកូនស្រីតូច អាយុ៤ឆ្នាំម្នាក់ ស្រាប់តែយប់ឡើងបុរសម្នាក់ទៀតដែលរស់នៅផ្ទះចម្ងាយពីគ្នាជាង១០ម៉ែត្រឡើងទៅធ្វើសកម្មភាពធ្វើទារុណកម្មដោយយកខ្សែភ្លើងឆក់ និងដាល់ច្រើនដៃ រួចចាប់រំលោភសេពសន្ថវៈរហូត បានសម្រេច រួចគេចខ្លួនបាត់ស្រមោល ។
បន្ទាប់ពីបែករឿងនេះ បុរសជាប្ដីបាននាំប្រពន្ធទៅដាក់ពាក្យប្ដឹងសុំឲ្យនគរបាលជួយអន្តរាគមន៍ ហើយរយៈពេល៥ថ្ងៃក្រោយទើបជនសង្ស័យចូលទៅផ្ទះហើយក៏ត្រូវបានកម្លាំងនគរបាលនៃអធិការដ្ឋានខណ្ឌដង្កោ និងប៉ុស្តិ៍ជើងឯកធ្វើការឃាត់ខ្លួននាំទៅសាកសួរ និងចាត់ការតាមច្បាប់តែម្ដង ។ ហេតុការណ៍នេះបានកើតឡើង តាំងពីវេលាម៉ោង២យប់ រំលងអធ្រាត្រឈានចូលថ្ងៃទី២៩ ខែកញ្ញា ឆ្នាំ២០២០ មកម្ល៉េះនៅក្នុងផ្ទះគ្មានលេខ ដែលមានទីតាំងស្ថិតនៅតាមផ្លូវលំ ក្នុងភូមិជើងឯក សង្កាត់ជើងឯក រាជធានីភ្នំពេញ ហើយរហូតមកដល់ថ្ងៃទី៣ ខែតុលា ឆ្នាំ២០២០ ទើបចាប់ខ្លួនជនសង្ស័យបាន ។
បុរសដែលជាជនសង្ស័យខាងលើឈ្មោះ ស៊ឹម ចាន់រ៉ី អាយុ៣៥ឆ្នាំ មុខរបរកម្មករផ្សារដែក ទីលំនៅបច្ចុប្បន្ន សង្កាត់ជើងឯក រាជធានីភ្នំពេញ ។ នគរបាលដកហូតវត្ថុតាងមួយចំនួនរួមមាន កន្សែងពោះគោពណ៌ខៀវ១ ដែលជនសង្ស័យចងដៃនាងរងគ្រោះក្រោយរំលោភរួច , ក្រម៉ាក្រឡាការ៉ូ ពណ៌ប្រផេះលាយស្លាទុំ១ ដែលជនសង្ស័យចងមាត់នាងរងគ្រោះ និងខ្សែកង្ហារពណ៌ខ្មៅ ប្រវែង៨៥សង្ទីរម៉ែត្រ១កំណាត់ ដែលជនសង្ស័យឆក់នាងរួចទើបរំលោភជាក្រោយ ។ ចំណែកស្ត្រីរងគ្រោះអាយុ៣០ឆ្នាំ មានប្ដីអាយុ៣១ឆ្នាំ អ្នកទាំង២រស់នៅក្នុងសង្កាត់ជើងឯក ។
លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោបានប្រាប់ថា កាលពីវេលាម៉ោង១០យប់ថ្ងៃទី២៨ ខែកញ្ញា ឆ្នាំ២០២០ ខណៈដែលបុរសជាប្ដីមិននៅផ្ទះជាប់រវល់ទៅរត់តុការនៅឯសង្កាត់ព្រែកឯង ខណ្ឌច្បារអំពៅ រាជធានីភ្នំពេញបាត់ ស្ត្រីរងគ្រោះបានចូលដេកនៅក្នុងផ្ទះជាមួយកូនស្រីអាយុ០៤ឆ្នាំម្នាក់ ប៉ុន្តែនាងពុំបានចាក់សោទ្វារ ឬខ្ទាស់គន្លឹះផ្ទះពីខាងក្នុងនោះទេ ដោយយកទូរទស្សន៍១គ្រឿងទប់ទ្វារពីខាងក្នុងប៉ុណ្ណោះ ព្រោះទ្វារផ្ទះអត់មានគន្លឹះ ។ លុះដល់វេលាម៉ោង២យប់រំលងអធ្រាត្រឈានចូលថ្ងៃទី២៩ ខែកញ្ញា ឆ្នាំ២០២០ ខណៈនាងកំពុងតែដេកលង់លក់ ស្រាប់តែជនសង្ស័យឈ្មោះ ស៊ឹម ចាន់រ៉ី ដែលមានផ្ទះចំងាយពីគ្នាជាង១០ម៉ែត្រ ហើយក៏ជាអ្នកស្គាល់រាប់អានគ្នាផងនោះបានលបឡើងទៅបើកទ្វារចូលទៅធ្វើសកម្មភាពបើកមុង រួចទាញផ្តាច់ខ្សែកង្ហារដែលមានចរន្តភ្លើង និងយកទៅឆក់ស្ត្រីរងគ្រោះ។
លោកអធិការបានប្រាប់ឲ្យដឹងបន្តទៀតថា ពេលនោះនាងបានភ្ញាក់ដឹងខ្លួន ហើយជនសង្ស័យក៏បានឡើងពោបពីលើចាប់ឱបថើប ហើយនាងក៏បានរើបម្រះ និងស្រែកឲ្យអ្នកជិតខាងជួយ តែគ្មានអ្នកឮទេ ចំណែកជនសង្ស័យក៏បានគំរាមថា«ស្រែកប្រយ័ត្នងាប់»ទើបនាងលែងហ៊ានស្រែកតទៅទៀត បន្ទាប់មកជនសង្ស័យក៏បានដាល់ពោះនាង១ដៃ និងដើមទ្រូងចំនួន០២ដៃ រួចច្របាច់.កនាងថែមទៀត ។ នាងបានឈឺចុកចាប់ខ្លាំងរើលែងរួច ហើយក៏ត្រូវជនសង្ស័យ ធ្វើសកម្មភាពរំលោភសេពសន្ថវៈរហូតបានសម្រេច បន្ទាប់មកជនសង្ស័យបានយកកន្សែងពោះគោពណ៌ខៀវ ចងដៃនាងរងគ្រោះផ្អោបទៅខាងមុខ និងយកក្រម៉ាក្រឡាការ៉ូ ចងមាត់នាងរងគ្រោះជាប់មិនឲ្យស្រែករួច រួចដាក់ឲ្យនាងដេកផ្ងារទាំងខ្លួនប្រាណគ្មានសំលៀកបំពាក់ ទើបជននេះចុះពីលើផ្ទះរួចរត់គេចខ្លួនបាត់ស្រមោល ។
ប្រភពដដែលបានបញ្ជាក់បន្ថែមថា ក្រោយពេលជនសង្ស័យរត់គេចខ្លួនបាត់នាងរងគ្រោះបានព្យាយាម ស្រាយចំណងចេញវិញដោយខ្លួនឯង រួចស្លៀកពាក់ខោអាវ ហើយដេកបន្តរហូតដល់ថ្ងៃទី៣០ ខែកញ្ញា ឆ្នាំ២០២០ ទើបប្ដីនាងត្រឡប់មកពីរត់តុការ នៅសង្កាត់ព្រែកឯង ខណ្ឌច្បារអំពៅ រាជធានីភ្នំពេញវិញ ហើយបានឃើញនាងមានស្នាមរបួសនៅលើ ក ក៏បានសួរនាំហើយនាងបាននិយាយប្រាប់ទៅតាមសាច់រឿងដែលបានកើតឡើងប្រាប់ឲ្យប្តីបានដឹង ហើយប្ដីបាននាំនាងទៅដាក់ពាក្យបណ្តឹង ដើម្បីឲ្យកម្លាំនគរបាលប៉ុស្តិ៍ជើងឯកជួយស្រាវជ្រាវ និងឃាត់ខ្លួនជនសង្ស័យ។
ហើយរហូតដល់ថ្ងៃទី០៣ ខែតុលា ឆ្នាំ២០២០ វេលាម៉ោង០៧និង៣០នាទីព្រឹក ទើបឃើញជនសង្ស័យខាងលើចូលផ្ទះក៏ត្រូវបានកម្លាំងរបស់លោកចាប់ខ្លួននាំទៅសាកសួរ ហើយជនសង្ស័យមិនបានឆ្លើយសារភាពទេ ប៉ុន្តែដោយផ្អែកទៅលើការចង្អុលបង្ហាញពីស្ត្រីរងគ្រោះ និងការស្រាវជ្រាវព្រមទាំងវត្ថុតាងចាប់យកនៅកន្លែងកើតហេតុ បានបញ្ជាក់ថា ជនសង្ស័យពិតជាបានធ្វើសកម្មភាពរំលោភសេពសន្ថវៈលើជនរងគ្រោះប្រាកដមែន ហើយកម្លាំងលោកកំពុងកសាងសំណុំរឿងដើម្បីបញ្ជូនទៅកាន់សាលាដំបូងរាជធានីភ្នំពេញចាត់ការតាមច្បាប់ហើយ ៕
ចែករំលែកព័តមាននេះ