រាជធានីភ្នំពេញ ៖ ជនសង្ស័យ២នាក់បានចូលទៅធ្វើសកម្មភាពកាច់កម៉ូតូ១គ្រឿងមិនបានសម្រេចត្រូវបានម្ចាស់ឃើញទាន់ស្រែកឆោឡោឃាត់បានម្នាក់ និងវាយទ្រោមខ្លួន រួចប្រគល់ជូនសមត្ថកិច្ចយកទៅប៉ុស្ថិ៍ធ្វើការសួរនាំបន្ត ចំណែកបក្ខពួកម្នាក់ទៀតជិះម៉ូតូគេចខ្លួនបាត់ស្រមោល ។ ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង៧និង៣០នាទីយប់ថ្ងៃទី៣០ ខែតុលា ឆ្នាំ២០២៥…
រាជធានីភ្នំពេញ ៖ ជនសង្ស័យ២នាក់បានចូលទៅធ្វើសកម្មភាពកាច់កម៉ូតូ១គ្រឿងមិនបានសម្រេចត្រូវបានម្ចាស់ឃើញទាន់ស្រែកឆោឡោឃាត់បានម្នាក់ និងវាយទ្រោមខ្លួន រួចប្រគល់ជូនសមត្ថកិច្ចយកទៅប៉ុស្ថិ៍ធ្វើការសួរនាំបន្ត ចំណែកបក្ខពួកម្នាក់ទៀតជិះម៉ូតូគេចខ្លួនបាត់ស្រមោល ។
ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង៧និង៣០នាទីយប់ថ្ងៃទី៣០ ខែតុលា ឆ្នាំ២០២៥ ចំណុចទល់មុខហាងលក់ខោអាវ យីហោ (PT) តាមបណ្តោយផ្លូវវេងស្រេង ភូមិចោមចៅ៣ សង្កាត់ចោមចៅទី២ ខណ្ឌពោធិសែនជ័យ រាជធានីភ្នំពេញ។
ជនសង្ស័យដែលឃាត់ខ្លួនបានមានឈ្មោះសៀង ហាក់លី អាយុ៥៣ឆ្នាំ មុខរបរនិងស្នាក់នៅមិនពិតប្រាកដ ។ ចំណែកឯបក្ខពួកម្នាក់ទៀតដែលជិះម៉ូតូ១គ្រឿងធ្វសកម្មភាពនោះមិនចាំមិនចាំស្លាកលេខមិនត្រូវស្គាល់អត្តសញ្ញាណឡើយ។
ប្រភពពីស្ត្រីរងគ្រោះបានអោយដឹងថា នៅមុនពេលកើតហេតុ រូបគាត់បានជិះម៉ូតូ១គ្រឿងម៉ាកហុងដាឌ្រីមពណ៌ខ្មៅ ពាក់ស្លាកលេខ ភ្នំពេញ 1JG-5299 យកមកទុកនៅខាងមុខហាងមួយកន្លែងយីហោ PT រួចក៏ចូលទៅលក់នៅខាងក្នុង ។ ភ្លាមៗនោះស្រាប់តែលេចមុខជនសង្ស័យចំនួន២នាក់ជិះម៉ូតូមួយគ្រឿងមិនចាំម៉ាកធ្វើដំណើរមកពីក្រោយហើយក៏ឈប់នៅក្បែរហាង ។ ក្រោយមកក៏ជនសង្ស័យម្នាក់ដែលអង្គុយពីក្រោយបានចុះទៅធ្វើសកម្មភាពចូលលួចម៉ូតូ ។ ភ្លាមៗនោះត្រូវបានម្ចាស់ក្រឡេកឃើញទាន់ស្រែកឆោឡោផ្អើលដល់ពលរដ្ឋក្បែរខាងរត់ទៅជួយចាប់បានរួចប្រគល់ទៅអោយសមត្ថកិច្ច ។ ចំណែកបក្ខពួកម្នាក់ទៀតជិះរត់គេចខ្លួនបាត់ស្រមោល។
បច្ចុប្បន្នជនសង្ស័យខាងលើសមត្ថកិច្ចកំពុងតែធ្វើការសួរនាំនិងចាត់ការតាមនីតិវិធី ៕
ចែករំលែកព័តមាននេះ