សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី២៤កញ្ញាពេលលោកឈរមុខមឈូសសពចៅក្រម ចម្រើនជឿនលឿនម្នាក់នៃតុលាការកំពូល លោកស្រីRUTH BADER GINSBURG នាំឲ្យផ្ទុះសម្រែកតវ៉ាប្រឆាំងលោក។ ដោយពាក់ម៉ាសពណ៌ខ្មៅមួយ…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី២៤កញ្ញាពេលលោកឈរមុខមឈូសសពចៅក្រម ចម្រើនជឿនលឿនម្នាក់នៃតុលាការកំពូល លោកស្រីRUTH BADER GINSBURG នាំឲ្យផ្ទុះសម្រែកតវ៉ាប្រឆាំងលោក។
ដោយពាក់ម៉ាសពណ៌ខ្មៅមួយ អមដោយភរិយាលោកស្រីមីឡានីញ៉ាដែលពាក់ម៉ាសខ្មៅដែរ ប្រមុខសេតវិមានបានធ្វើការស្មឹងស្មាធិនៅមុខមឈូសសព អ្នកនារីនិយមរូបនោះដែលទទួលមរណភាពកាលពីថ្ងៃទី១៨កញ្ញា ក្នុងជន្មាយុ៨៧ឆ្នាំ។ នេះជាលើកដំបូងហើយតាំងពីលោកចូលកាន់កាប់សេតវិមានមក ដែលលោកត្រាំស្ថិតក្នុងចំណោមឥស្សរជនដែលចូលរួមក្នុងពិធីសព របស់មនុស្សម្នាក់ ដែលមិនដើរស្របតាមនយោបាយរបស់លោក។
ក្រោយការស្មឹងស្មាធិប្រមាណប៉ុន្មានវិនាទី មនុស្សម្នាដែលមានវត្តមាននៅកន្លែងបុណ្យសព នាំគ្នាធ្វើបាតុកម្មដោយកំហឹង។ លោកត្រាំចង់ជ្រើសតាំងចៅក្រមថ្មីម្នាក់ជំនួសលោកស្រីRUTH BADER GINSBURGមុនការបោះឆ្នោតប្រធានាធិបតី។
បាតុកម្មប្រឆាំងលោកត្រាំនោះមិនធំឡើយ តែបរិយាកាសពិតជាតានតឹងបំផុត នៅទីក្រុងវ៉ាស៊ិនតោនដែលនៅទីនោះពួកបាតុករបាននាំគ្នាស្រែកថា ជូរគោរពតាមបំណងរបស់លោកស្រី ដែលចង់និយាយយោងដល់បណ្ដាំចុងក្រោយ របស់ចៅក្រមវ័យចំណាស់បំផុតនោះ នៃតុលាការកំពូលអាមេរិក ដែលមិនចង់ឲ្យការជ្រើសតាំងអ្នកបន្តវេនពីលោកស្រី ធ្វើមុនការចូលកាន់តំណែងរបស់ប្រធាធិបតីថ្មីមួយរូប នាខែមករាខាងមុខនេះ។
ប៉ុន្មាថ្ងៃមុនពេលលោកស្រិស្លាប់ បើតាមចៅស្រីរបស់គាត់នាងCLARA SPERAថាបណ្ដាំរបស់ជីដូននាងគឺៈ បំណងរបស់ច្ញុំដែលថ្លៃថ្លាបំផុត គឹមិនត្រូវជ្រើសតាំងអ្នកជំនួសរូបខ្ញុំ បើដរាបណាប្រធានាធិបតីថ្មីមិនទាន់ធ្វើសច្ចាប្រណិធានចូលកាន់តំណែង៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ