ខេត្តកណ្តាល ៖ ប្រភពពីពលរដ្ឋបានអោយដឹងនៅព្រឹកថ្ងៃទី២៥ ខែកញ្ញា ឆ្នាំ២០២០នេះថា ហាងផឹកស៊ីមួយកន្លែងដែលមានយីហោម្លប់លៀបងៀត ក្របី បាន និងកំពុងលួចលាក់លក់សត្វព្រៃគ្រប់ប្រភេទ យ៉ាងគគ្លើន ហាក់ដូចមិនខ្លាចអាជ្ញាធរ និងសមត្ថកិច្ចជំនាញទាល់តែសោះ ឬក៏មានការបើកភ្លើងខៀវពីអាជ្ញាធរ ? ទីតាំងហាងផឹកស៊ីម្លប់លៀបងៀត ក្របី ខាងលើនោះ មានទីតាំងនៅភូមិព្រែករុន ឃុំព្រែកគយ ស្រុកស្អាង ខេត្តកណ្តាល ។
ប្រភពដដែលបានបន្តទៀតថា នៅហាងម្លប់លៀប ងៀតក្របី ទីតាំងនោះបានប្រកបមុខរបរនេះមកយូរខែមកហើយ មិនដែលមានឃើញសមត្ថកិច្ចណាហ៊ានបង្ក្រាបនោះទេ ។ ហើយទីតាំងនោះមានលក់ម្ហូបបម្រើភ្ញៀវផង បោះចែកចាយទៅខាងក្រៅផង ។
ជុំវិញបញ្ហានេះ សង្ឃឹមថា អាជ្ញាធរមានសមត្ថកិច្ច និងជាពិសេសលោក គង់ សោភ័ណ្ឌ អភិបាលនៃគណអភិបាលខេត្តកណ្តាល និងមានវិធានការលើទីតាំងខាងលើនោះ ៕
ចែករំលែកព័តមាននេះ