ប្រទេសបេឡារុស ៖ ប៉ូលិសបេឡារុស កាលពីថ្ងៃទី១៩កញ្ញា បានចាប់ខ្លួនមនុស្សច្រើនរយនាក់ ក្នុងឱកាសនៃការហែក្បួនបាតុកម្មរបស់នារីនៅទីក្រុងមីនស្ក៏ ប្រឆាំងប្រធានាធិបតី លោកអាឡិចសាន់ដ្រ៏លូកាឆេនកូ។ នារីប្រមាណជា២.០០០នាក់បានលើកគ្នាដើរហែក្បួន ដោយលើកទង់ពណ៌សនិងក្រហមជាទង់របស់ពួកប្រឆាំង។…
ប្រទេសបេឡារុស ៖ ប៉ូលិសបេឡារុស កាលពីថ្ងៃទី១៩កញ្ញា បានចាប់ខ្លួនមនុស្សច្រើនរយនាក់ ក្នុងឱកាសនៃការហែក្បួនបាតុកម្មរបស់នារីនៅទីក្រុងមីនស្ក៏ ប្រឆាំងប្រធានាធិបតី លោកអាឡិចសាន់ដ្រ៏លូកាឆេនកូ។
នារីប្រមាណជា២.០០០នាក់បានលើកគ្នាដើរហែក្បួន ដោយលើកទង់ពណ៌សនិងក្រហមជាទង់របស់ពួកប្រឆាំង។ ប៉ូលិសបានរាំងការហែក្បួននោះហើយចាប់ខ្លួន បាតុករច្រើនរយនាក់។
កងកម្លាំងប៉ូលិសដែលខ្លះស្លៀកពាក់ខ្មៅ និងខ្លះទៀតស្លៀកពាក់ឯកសណ្ឋានគគី ហើយប៉ូលិសខ្លះទៀតស្លៀកពាក់ស៊ីវិលនិងពាក់ម៉ាស បានចូលរួមក្នុងការចាប់ខ្លួនពួកបាតុករ។ អង្គការការពារសិទ្ធិមនុស្សVIASNA បានចេញផ្សាយតាមបណ្ដាញសង្គមពីឈ្មោះរបស់នារី ៣១៧នាក់ដែលត្រូវចាប់ខ្លួននៅទីក្រុងមីនស្ក៏។
បាតុកម្មនោះជាបាតុកម្មមួយបន្ទាប់ពីបាតុកម្មមួយចំនួន របស់នារីនៅបេឡារុសដើម្បីទាមទារ ឲ្យប្រធានាធិបតីដែលកាន់អំណាចចាប់តាំងពី២៦ឆ្នាំមកហើយ ចាកចេញពីអំណាច ក្រោយលោកជាប់ឆ្នោតជាថ្មីទៀត ក្នុងការបោះឆ្នោតដែលពួកប្រឆាំងអះអាងថា ពោរពេញដោយការក្លែងបន្លំ។
មុនបាតុកម្មនោះប្រមុខពួកប្រឆាំង លោកស្រីSVETTANA TIKHANOVASKAIA ដែលរត់ភៀសខ្លួនទៅកាន់ប្រទេសលីទុយអានី បានសរសើរនារីក្លាហានរបស់បេឡារុស៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ