ព្រះរាជអាជ្ញារងនៅខេត្តពងពឺប្រាប់គេថា ពួករងៗទាំងឡាយ ចង់អត់បាយហើយ ព្រោះមេយកអស់ហើយសាច់គោ… ស៊ីគោទាំងភ្លៅៗ… អត់មើលកូនចៅស៊ីបាយក្រហមទេ… ។ បើនិយាយឱ្យចំគោលដៅ សំបុកអ្នកច្បាប់តាមខេត្តខ្លះនោះគេចមិនផុតពីពុករលេះរលួយឡើយ
ប៉ុន្មានថ្ងៃនេះអាឡេវធ្វើដំណើរទៅខេត្តមួយចំនួន នៅមិនឆ្ងាយប៉ុន្មានទេ ពីរាជធានីភ្នំពេញ ។ បានទៅដល់ខេត្តពងពឺ…ខេត្តពងណាំង និងខេត្តពងធំ…
បានជួបអភិបាលរងស្រុកច្រើននាក់ហើយ… ពួកគេច្រើនតែនិយាយថា សាច់ការនៅលើខ្ញុំ… ឯសាច់គោនៅលើមេ… ។ ចុះដល់មូលដ្ឋានភូមិ-ឃុំ…សាច់គោនៅលើគេ… ដល់សាច់ការគេរុញមកខ្ញុំ… ។ល។
ដោះស្រាយម្តងៗល្វីងមុខ… បានជួបជាមួយព្រះរាជអាជ្ញារង… ពួកគេត្អូញត្អែរថា សាច់គោមេស៊ីដាច់… ឯសាច់ការធ្លាក់លើរងទាំងអស់… ។
ជួបជាមួយព្រះរាជអាជ្ញារងមួយចង្កោម នៅខេត្តពងពឺ… និយាយដូចគ្នាថា ៖
-ពួកខ្ញុំគ្រប់គ្នាចង់អត់បាយហើយ… សាច់គោនៅលើដៃមេ… ឯសាច់ការមេទម្លាក់មកលាន់ដូចរន្ទះ… បន់ឱ្យតែគេដូរមេចេញទេ… បណ្តោយឱ្យធ្វើយ៉ាងនេះក្រសួងយុត្តិធម៌… ដូចអត់យុត្តិធម៌… ។
អាឡេវគិតថា នៅសាលាដំបូងរាជធានីភ្នំពេញ មេព្រះរាជអាជ្ញាមានយុត្តិធម៌ណាស់… បញ្ជូនភ្លាមៗគ្រប់រឿងឱ្យរងចាត់ការ… អត់គិតពីរឿងសាច់គោអញ… សាច់ការឯងនោះទេ ព្រោះជាសម័យរុងរឿង គួរសាលាដំបូងតាមខេត្តនានាមករៀនសូត្រតាមហើយ… ។
អង្គភាពប្រឆាំងអំពើពុករលួយ គួរកុំចាំមានគេប្តឹង ទើបកោះហៅមកសួរចម្លើយ… គួរដើរមើលព្រះរាជអាជ្ញាតាមខេត្ត តើមេព្រះរាជអាជ្ញាមួយណាសាច់គោលើអញ… សាច់ការលើឯង… នោះទើបគេហៅថា មិនមែនមន្ត្រីជើង១០ ។
ព្រះរាជអាជ្ញារងនៅខេត្តពងពឺប្រាប់គេថា ពួករងៗទាំងឡាយ ចង់អត់បាយហើយ ព្រោះមេយកអស់ហើយសាច់គោ… ស៊ីគោទាំងភ្លៅៗ… អត់មើលកូនចៅស៊ីបាយក្រហមទេ… ។
បើនិយាយឱ្យចំគោលដៅ សំបុកអ្នកច្បាប់តាមខេត្តខ្លះនោះគេចមិនផុតពីពុករលេះរលួយឡើយ ៕ អាឡេវ
ចែករំលែកព័តមាននេះ