រាជធានីភ្នំពេញ ៖ កម្លាំងគណៈបញ្ជាការឯកភាពខណ្ឌចំការមន បានចុះត្រួតពិនិត្យកន្លែងម៉ាស្សាមួយកន្លែងលួចបង្កប់ហ្គេមបាញ់ត្រី ជាប្រភេទល្បែងស៊ីសងខុសច្បាប់ និងដកហូតបានទូហ្គេមជាច្រើនគ្រឿងផងដែរ បង្កឱ្យមានការភ្ញាក់ផ្អើលកាលពីម៉ោង៩និង៣០នាទីយប់ ថ្ងៃទី១០ ខែកញ្ញា ឆ្នាំ២០២០…
រាជធានីភ្នំពេញ ៖ កម្លាំងគណៈបញ្ជាការឯកភាពខណ្ឌចំការមន បានចុះត្រួតពិនិត្យកន្លែងម៉ាស្សាមួយកន្លែងលួចបង្កប់ហ្គេមបាញ់ត្រី ជាប្រភេទល្បែងស៊ីសងខុសច្បាប់ និងដកហូតបានទូហ្គេមជាច្រើនគ្រឿងផងដែរ បង្កឱ្យមានការភ្ញាក់ផ្អើលកាលពីម៉ោង៩និង៣០នាទីយប់ ថ្ងៃទី១០ ខែកញ្ញា ឆ្នាំ២០២០ ចំណុចអគារ ខុនដូ យៀកថៃ ជាន់ផ្ទាល់ដីយីហោ «អ៊ីយ៉ា ហាង ម៉ាស្សា ចិន» ស្ថិតក្នុងភូមិ១០ សង្កាត់ទន្លេបាសាក់ ខណ្ឌចំការមន ។
សមត្ថកិច្ចបានឱ្យដឹងថា កម្លាំងគណៈបញ្ជរការឯកភាពខណ្ឌចំការមន ដឹកនាំដោយលោក កែវ សំណាង អភិបាលរងខណ្ឌចំការមន ជួសមុខឱ្យលោក ថេង សុថុល អភិបាលខណ្ឌនៃគណៈអភិបាលខណ្ឌ ព្រមទាំងកម្លាំងចំរុះ ដោយមានការចូលរួមពីលោកវរសេនីយ៍ទោ ផន សំអូន អធិការរងទទួលបន្ទុកព្រហ្មទណ្ឌ ក៏ដូចជាកម្លាំងសណ្តាប់ធ្នាប់ និងមន្ត្រីសាលាខណ្ឌ បានចុះត្រួតពិនិត្យកន្លែងម៉ាស្សាមួយកន្លែង ដែលលួចបង្កប់ល្បែងស៊ីសងជាប្រភេទហ្គេមបាញ់ត្រីខុសច្បាប់ និងហ្គេមផ្សេងៗផងដែរ។ ក្នុងនោះដែរ កម្លាំងសមត្ថកិច្ចបានពិនិត្យឃើញថា ទីតាំងខាងលើជាកន្លែងម៉ាស្សាចិន ដោយមានលិខិតអនុញ្ញាតត្រឹមត្រូវ។
ប្រភពដដែលបន្តថា ដោយឡែកល្បែងស៊ីសងជាប្រភេទហ្គេមបាញ់ត្រី និងជាល្បែងស៊ីសងខុសច្បាប់ ទើបកម្លាំងអជ្ញាធរបានសម្រេចធ្វើការដកហូតទូហ្គេមបាញ់ត្រីចំនួន២ និងទូម៉ាស៊ីនតុក្កតាចំនួន២ ដើម្បីយកទៅរក្សាទុកនៅសាលាខណ្ឌចំការមន រង់ចាំចាត់ការតាមនីតិវិធីផងដែរ ប៉ុន្តែមិនបានឃាត់មនុស្ស និងបិទទីតាំងខាងលើទេ គឺឲ្យបន្តបើកម៉ាស្សាដដែល ៕
ចែករំលែកព័តមាននេះ