អំណោយ ៖ លោកយាយ បួរ យ៉ុន អាយុ៨៨ឆ្នាំ និងលោកយាយអ៊ឹម វី អាយុ៨៣ឆ្នាំ បានទទួលអំណោយជាបន្ដបន្ទាប់តាមរយៈការចុះផ្សាយរបស់កោះសន្ដិភាព អំពាវនាវរកអ្នកចិត្ដបុណ្យក្នុងរដូវបុណ្យចូលឆ្នាំដើម្បីជួយដល់ លោកយាយទាំងពីរដែលខ្វះខាត ។ អំណោយដំបូង គឺបានទទួលពីគណៈកម្មាធិការសាខាកាកបាទក្រហមកម្ពុជាខេត្ដព្រៃវែង ដោយនាំទៅប្រគល់ និងលោកផាន់ ចាន់ធុល ប្រធានគណៈកម្មាធិការសាខាកាកបាទក្រហមកម្ពុជា
អំណោយ ៖ លោកយាយ បួរ យ៉ុន អាយុ៨៨ឆ្នាំ និងលោកយាយអ៊ឹម វី អាយុ៨៣ឆ្នាំ បានទទួលអំណោយជាបន្ដបន្ទាប់តាមរយៈការចុះផ្សាយរបស់កោះសន្ដិភាព អំពាវនាវរកអ្នកចិត្ដបុណ្យក្នុងរដូវបុណ្យចូលឆ្នាំដើម្បីជួយដល់លោកយាយទាំងពីរដែលខ្វះខាត ។ អំណោយដំបូង គឺបានទទួលពីគណៈកម្មាធិការសាខាកាកបាទក្រហមកម្ពុជាខេត្ដព្រៃវែង ដោយនាំទៅប្រគល់ និងលោកផាន់ ចាន់ធុល ប្រធានគណៈកម្មាធិការសាខាកាកបាទក្រហមកម្ពុជាខេត្ដ ។ អំណោយថវិការបស់លោកផ្ទាល់រួមមាន ថវិកា១០ម៉ឺនរៀល និងអង្ករ១០០គីឡូក្រាម ចំណែកលោកសុខ ផេង អនុប្រធានបានផ្ដល់ថវិកាចំនួន១០ម៉ឺនរៀល និងអង្ករ១០០គីឡូក្រាម ។ ចំណែកសហការីបានឧបត្ថម្ភជា សំភាររួមមាន មុង២ ក្រមា២ សារុង២ តង់មួយ ធុងចំរោះទឹក១កំប្លេ និងកន្ទេល២ ។នៅព្រឹកថ្ងៃទី១៦ ខែមីនា ឆ្នាំ២០១០ ភ្នាក់ងារកោះសន្ដិភាពបាននាំយកអំណោយ របស់សប្បុរសជនទៅជូនលោកយាយទាំងពីរ ដោយមានលោកនាង សំបុក មេភូមិចាក់ខ្លាញ់ ឃុំពាមរក៍ ស្រុកពាមរក៍បានចូលរួមដែរ ។ក្នុងថ្ងៃប្រគល់អំណោយនេះ កោះសន្ដិ ភាពបានទិញគុយទាវ២ចានជូនលោកយាយពិសា និងទឹកដោះគោមួយកែវម្នាក់ ព្រោះរសជាតិនេះលោកយាយមិនដែលស្គាល់ឡើយ ហើយក៏មិននឹកស្មានថា ពួកគាត់មានវាសនាបានហូបអាហារទាំងនេះដែរ។ ការឆ្ងាញ់ពិសា និងពរជ័យទាំងរលីងរលោងទឹកភ្នែកដោយការរំភើបញ័បញ័រ លោកយាយទាំង២បានលើកដៃប្រណមជូនពរជ័យដល់សប្បុរសជនទទួលមគ្គផលទៅតាមសទ្ធារៀងៗខ្លួន ។
ក្រោយពីការទទួលទានរួច លោកយាយទាំង២គ្មានពាក្យអ្វីក្រៅពីការ ជូនពរជ័យដល់សប្បុរសជនម្ដងហើយម្ដងទៀតដែលបានបរិច្ចាគទានដល់ពួកគាត់ សូមទេវតាឆ្នាំថ្មីប្រោសប្រទានពរជ័យ សិរីមង្គល ដល់ម្ចាស់អំណោយទានជិតឆ្ងាយសូមទទួល បាននូវភាពចំរុងចំរើនគ្រប់ៗគ្រួសារ ជាពិសេសសូមជូនពរលោកឧកញ៉ា ថុង អ៊ុយប៉ាង អភិបាលសារព័ត៌មាន និងសហការីទាំងអស់សូមជួបតែសេចក្ដីសុខសេចក្ដីចំរើន ជានិរន្ដរ៍តទៅ ។អំណោយដែលកោះសន្ដិភាពបានទទួលពីសប្បុរសជន រួមមាន ១-ឯកឧត្ដម ប៊ុត បូវុត អគ្គនាយក អគ្គនាយកដ្ឋានព័ត៌មាន និងសោតទស្សន៍នៃក្រសួងព័ត៌មានឧបត្ថម្ភប្រាក់ជូនលោកយាយ១០ម៉ឺនរៀល, ២-លោកសុខ ហេង ឧបត្ថម្ភ ២ម៉ឺនរៀល, ៣- លោកឡាក់ ប៉ុន និងលោកស្រី ធី គីមហេង ព្រមទាំងបុត្រ បានឧបត្ថម្ភអង្ករ១បាវ, មី៣កេស, ទឹកត្រី១យួរ, អំបិល១យួរ, ត្រីខ១យួរ, ប៊ីចេង១ខ្សែ, ប្រេងឆា១យួរ, ស្ករស៣ គីឡូ ក្រាម, ម្សៅសាប៊ូ៣កញ្ចប់, ទឹកស៊ីអ៊ីវ៣ដប និងថវិកា៥ម៉ឺនរៀល, ៤-លោកសេង គី ផ្ទះលក់ជ្រូកខ្វៃច្បារអំពើ1 ផ្លូវជាតិលេខ១ ផ្ទះលេខ៤០Eo ខណ្ឌមានជ័យ ឧបត្ថម្ភ៣ម៉ឺន រៀល, ៥-លោកអ៊ុង ពៅ និងភរិយា ឈឹម សោភ័ណ្ឌ ឧបត្ថម្ភទឹកត្រី២យួរ មី១កេស អំបិល៥គីឡូក្រាម ខ្លាញ់១យួរ សាប៊ូ៥កញ្ចប់ ត្រីខ២ឡូ និងប្រាក់៣ម៉ឺនរៀល, ៦-លោក អ៊ឹង ហេក ឧបត្ថម្ភ៣ម៉ឺនរៀល, ៧-លោក ស្រេង សៀក និងភរិយា ឧបត្ថម្ភ២ម៉ឺនរៀល និង៨-លោក អ៊ុក នាង មន្ដ្រីនគរបាលចូល និវត្ដន៍ មានអាសយដ្ឋានលេខ១០៦E1z ផ្លូវ លេខ៥៣ សង្កាត់ផ្សារថ្មី៣ ខណ្ឌដូនពេញ ឧបត្ថម្ភ៦ម៉ឺនរៀល ។
ចែករំលែកព័តមាននេះ