ចំពោះបញ្ហាសុវត្ថិភាពរបស់កូនតូចៗដែលជិះក្នុងរថយន្តពុំមែនជារឿងធម្មតាដែលអាចបណ្តែតបណ្តោយទៅបានទ្បើយ ក្នុងនោះមានបង្គាប់នូវហេតុផលជាច្រើន ពិសេសការប្រើកៅអីសុវត្ថិភាព
ចំពោះបញ្ហាសុវត្ថិភាពរបស់កូនតូចៗដែលជិះក្នុងរថយន្តពុំមែនជារឿងធម្មតាដែលអាចបណ្តែតបណ្តោយទៅបានទ្បើយ ក្នុងនោះមានបង្គាប់នូវហេតុផលជាច្រើន ពិសេសការប្រើកៅអីសុវត្ថិភាពដាច់ដោយទ្បែកសម្រាប់ពួកគេតែម្តង ។
ពេលនេះកោះសន្តិភាពសូមលើកយកនូវហេតុផលទាំងនោះមកស្រាយបង្ហាញដូចតទៅ៖
-ខ្សែក្រវាត់សុវត្ថិភាពមិនត្រូវបានផលិតទ្បើងសម្រាប់កុមារទ្បើយ ។ បើត្រឹមតែខ្សែក្រវាត់នោះតែម្យ៉ាង គឺមិនអាចការពារសុវត្ថិភាពកុមារបានល្អ ក្នុងអំទ្បុងពេលរថយន្តជួបឧប្បត្តិហេតុបុកទង្គិច ។ មួយចំណែកនៃផ្នែកខាងលើខ្សែក្រវាត់ចាំបាច់ត្រូវតែវ័ណ្ឌកាត់តួខ្លួនក្មេងនោះ ត្រង់តំបន់ដើមទ្រូង ។ ចំណុចនេះជាធម្មតា គឺវាពុំអាចស៊ីជាមួយនឹងទំហំរបស់កុមារទ្បើយ ព្រោះភាគខាងលើនៃខ្សែក្រវាត់អាចនឹងវាត់ត្រង់បំពង់ករបស់ក្មេងនោះជាមិនខាន ឬក៏ខ្ពស់ជាងនេះក៏ថាបាន ។ ដូច្នេះបើទោះជាក្មេងនោះពាក់ខ្សែក្រវាត់សុវត្ថិភាពយ៉ាងណាក្តី ក៏វានៅតែមានហានិភ័យដែលបង្កឱ្យកើតមានគ្រោះថ្នាក់ធ្ងន់ធ្ងរដដែល ។
-ប្រព័ន្ធទប់ចលនារបស់ក្មេងមិនឱ្យបោកទាំងកម្រោលទៅនឹងផ្នែកផ្សេងៗរបស់ខ្សែក្រវាត់ ដែលដាក់ឬពាក់វាមិនបានត្រឹមត្រូវ ពិសេសមាឌរបស់ក្មេងនោះអាចនឹងត្រូវធ្វើឱ្យកុមារនោះមានចលនាបំលាស់ទីស្របតាមកម្លាំងគ្រោះថ្នាក់ ឬក៏បីដូចជាមានអ្វីចាប់បោះរូបគេបោកទៅផ្នែកផ្សេងៗអីុចឹងដែរ ។
-ចំណែកកៅអីសុវត្ថិភាពដោយទ្បែកសម្រាប់កុមារ គឺវាមានសមត្ថភាពជួយរក្សាក្មេងនោះមិនឱ្យបំលាស់ទីតាមអំពើចិត្តក្នុងរថយន្ត ខណៈពេលលោកអ្នកកំពុងព្យាយាមប្រមូលផ្តុំស្មារតីលើការកាន់ចង្កូតរថយន្ត ។
-ការរក្សាសុវត្ថិភាពដល់ក្មេងៗដែលរួមដំណើរតាមរថយន្តជាមួយអ្នក គឺជារឿងដែលពិបាកនឹងធ្វើ ។ រថយន្តភាគច្រើនគឺមានរបស់ផ្សេងៗមកតាមជាប់ជាមួយ ដែលវាកំពុងតែធ្វើឱ្យពោរពេញទៅដោយគ្រោះថ្នាក់ថែមទៀត ។ ដោយទ្បែក កៅអីសុវត្ថិភាពសម្រាប់ក្មេងគឺអាចរក្សាទារក និងកុមារតូចៗពីរបស់ទាំងនោះបាន។
-តាមរយៈការប្រើប្រាស់កៅអីសុវត្ថិភាពសម្រាប់កូនក្មេងលោកអ្នកអាចរក្សាកូនតូចជាទីស្រទ្បាញ់របស់ខ្លួននៅទីតាំង ដែលអ្នកអាចមើលពួកវាឃើញ ។
-ជាទូទៅក្មេងកំពុងលូតលាស់ ឬទើបនឹងធំពួកគេអាចមានឥទ្ធិពលដោយកម្លាំងខាងក្រៅ ដូចជាការកើតមានទ្បើងទាំងអម្បាលមាណនេះនៅក្នុងស្ថានភាពគ្រោះថ្នាក់ ។ ការប្រើកៅអីសុវត្ថិភាពដោយទ្បែកអាចជួយធ្វើឱ្យកាន់តែតិចទៅៗនៃកម្លាំងទាំងនោះ ។
-កៅអីសុវត្ថិភាពក៏មានសារសំខាន់ការពារពីផ្នែកខាងក្រៅរថយន្តផងដែរ ។ គឺវាផ្តល់នូវលក្ខណៈ សុវត្ថិភាពក្នុងការដឹកជញ្ជូនទារកទៅគោលដៅណាមួយ ។
-ដូច្នេះប្រសិនជាអ្នកចង់ការពារកូនតូចរបស់ខ្លួន ហើយអ្នកត្រូវប្រុងប្រយ័ត្នពីអ្វីដែលអាចនឹងកើតមានទ្បើងនៅក្នុងឧប្បត្តិហេតុដោយចៃដន្យ ។
-កៅអីសុវត្ថិភាពសម្រាប់ក្មេងតូចៗ គឺអាចបំពាក់ក្នុងបរិមាណកៅអីរថយន្តបាន ហើយវាមានសមត្ថភាពជួយការពារក្នុងកម្រិតអតិបរមាទៅនឹងកម្លាំងបោកខ្លាំងពីផ្នែកខាងក្រៅពេលណារថយន្តជួបគ្រោះថ្នាក់ ។
-ដូច្នេះប្រសិនជាលោកអ្នកដំទ្បើងកៅអីនោះបានត្រឹមត្រូវវានឹងអាចមានប្រសិទ្ធភាពខ្ពស់ក្នុងការសង្គ្រោះអាយុជីវិតទារក ឬកុមារតូចៗពីគ្រោះថ្នាក់ ។
-ម្យ៉ាងទៀត កៅអីនោះវាក៏ផ្តល់ឱ្យនូវទីតាំងសុវត្ថិភាពមួយសម្រាប់កូនតូចរបស់អ្នកញ៉ាំ ឬគេង ក៏ដូចជាលេងអ្វីមួយផងដែរ ខណៈពេលធ្វើដំណើរ ៕
ចែករំលែកព័តមាននេះ