ប្រទេសជប៉ុន ៖ ទីភ្នាក់ងារព័ត៌មានជប៉ុនក្យូដូ ក្រោយការប្រកាសរបស់លោកស៊ីនហ្សូ អាបេពីការសុំលាលែងពីតំណែងនាយករដ្ឋមន្ត្រី ដោយសារបញ្ហាសុខភាព រាយការណ៍នាថ្ងៃទី២៩ សីហា ថា គណបក្សសេរីប្រជាធិបតេយ្យ…
ប្រទេសជប៉ុន ៖ ទីភ្នាក់ងារព័ត៌មានជប៉ុនក្យូដូ ក្រោយការប្រកាសរបស់លោកស៊ីនហ្សូ អាបេពី
ការសុំលាលែងពីតំណែងនាយករដ្ឋមន្ត្រី ដោយសារបញ្ហាសុខភាព រាយការណ៍នាថ្ងៃទី២៩ សីហា ថា គណបក្សសេរីប្រជាធិបតេយ្យ PLD កំពុងកាន់អំណាចនឹងជ្រើសរើសអ្នកបន្តតំណែងពីលោក រង្វង់ថ្ងៃទី១៥ កញ្ញា ។
ពេលនោះគណបក្សនេះនឹងបោះឆ្នោតជ្រើសរើសប្រមុខគណបក្ស PLD ដែលអ្នកជាប់ជា
ប្រធានគណបក្ស ត្រូវក្លាយជានាយករដ្ឋមន្ត្រី។
អតីតរដ្ឋមន្ត្រីការពារប្រទេស លោកស៊ីហ្ស៊ឺរូអ៊ីស៊ីបាអាយុ៦៣ឆ្នាំ និងអតីតរដ្ឋមន្ត្រីការបរទេសលោកហ្វូមីអូគីស៊ីដា អាយុ៦៣ឆ្នាំស្ថិតក្នុងចំណោមអ្នកដែលមានបំណងឈរឈ្មោះជាបេក្ខជន ។ តាមក្យូដូថាឧបនាយករដ្ឋមន្ត្រីលោកតារ៉ូ អាសូ អាយុ៧៩ឆ្នាំដែលក៏ជារដ្ឋមន្ត្រីហិរញ្ញវត្ថុផងដែរថ្លែងថា លោកនឹងមិនចូលរួមប្រឡូកក្នុងការប្រជែងយកតំណែងនាយករដ្ឋមន្ត្រីឡើយ ។
បេក្ខជនដទៃទៀតមានលោកយ៉ូស៊ីហ៊ីដស៊ូហ្គា អាយុ៧១ឆ្នាំដែលជាអគ្គលេខាធិការ ខុន្ទកាល័យលោកអាបេ ដែលមនុស្សភាគច្រើនចាត់ទុកជាអ្នកដែលសង្ឃឹមជាប់ឆ្នោតខ្លាំង ។ បេក្ខជនផ្សេងទៀតមានរដ្ឋមន្ត្រីការពារប្រទេសបច្ចុប្បន្នលោកតារ៉ូកូណូអាយុ៥៧ឆ្នាំ ។
នារីម្នាក់គត់ដែលអាចឈរឈ្មោះគឺលោកស្រីសីកូណូដា អាយុ៥៩ឆ្នាំ ជាអតីតរដ្ឋមន្ត្រីការពារ
ប្រទេស ។
តាមសារព័ត៌មានក្នុងស្រុកថាបែបបទនិងកាលបរិច្ឆេទច្បាស់នៃការបោះឆ្នោតរបស់គណបក្សកាន់អំណាចនឹងសម្រេចនាថ្ងៃទី២ កញ្ញា ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ