ចិន ៖ អ្នកនាំពាក្យក្រសួងការបរទេសចិន បានព្រមានកាលពីថ្ងៃសុក្រថា អតិថិជនចិនអាចធ្វើពហិការក្រុមហ៊ុន Apple ប្រសិនបើសហរដ្ឋអាមេរិកហាមឃាត់ WeChat។
ប្រធានាធិបតីអាមេរិកដូណាល់ ត្រាំ ក្នុងខែនេះ បានប្រកាសហាមប្រាមចាប់ពីពាក់កណ្តាលខែកញ្ញាលើ WeChat និងកម្មវិធីមួយទៀតដែលគ្រប់គ្រងដោយចិនហៅថា TikTok ដោយចោទប្រកាន់ពីបទគំរាមកំហែងសន្តិសុខជាតិបង្កភាពតានតឹងថែមទៀតរវាងទីក្រុងប៉េកាំងនិងវ៉ាស៊ីនតោន។
ប៉ុន្តែអ្នកនាំពាក្យក្រសួងការបរទេសលោក Zhao Lijian បានសរសេរនៅថ្ងៃសុក្រថា ៖ «ប្រសិនបើ WeChat ត្រូវបានហាមឃាត់នោះ វាគ្មានហេតុផលអ្វីដែលជនជាតិចិនត្រូវបន្តប្រើប្រាស់ផលិតផល iPhone និង Apple នោះទេ»។
កាលពីថ្ងៃព្រហស្បតិ៍ លោក Zhao បាននិយាយថា ៖ «ប្រជាជនចិនជាច្រើនកំពុងនិយាយថា ពួកគេអាចនឹងឈប់ប្រើ iPhone ប្រសិនបើ WeChat ត្រូវបានហាមឃាត់នៅសហរដ្ឋអាមេរិក ហើយបានចោទប្រកាន់សហរដ្ឋអាមេរិកពីបទការគំរាមកំហែងសេដ្ឋកិច្ចជាលក្ខណៈប្រព័ន្ធរបស់ក្រុមហ៊ុនមិនមែនអាមេរិក ដោយដាក់គោលដៅលើកម្មវិធីរបស់ចិន»។
សេចក្តីអត្ថាធិប្បាយនេះ បញ្ជាក់ពីការលើកឡើងដោយផ្ទាល់ដ៏កម្រមួយ ដោយទីក្រុងប៉េកាំង ក្នុងការធ្វើពហិការមិនចូលរួមផលិតផលអាមេរិក និងកើតឡើងនៅពេលដែលប្រទេសមហាអំណាចមានចក្ខុវិស័យជាច្រើននៅលើជួរមុខរួមទាំងសកម្មភាពយោធានៅសមុទ្រចិនខាងត្បូង បញ្ហាទីក្រុងហុងកុង និង បញ្ហាកូវីដ។
យោងតាម Counterpoint Research បានឱ្យដឹងថា Apple មានចំណែកទីផ្សារស្មាតហ្វូនរបស់ប្រទេសចិនចំនួន ៨% នៅក្នុងត្រីមាសទី២ នៃឆ្នាំ ២០២០៕ ដកស្រង់ចេញពីវេបសាយ ៖ bangkokpost
ចែករំលែកព័តមាននេះ