ប្រទេសកូរ៉េខាងជើង ៖ បណ្ដាសារព័ត៌មានកូរ៉េខាងជើង កាលពីថ្ងៃទី២៦ សីហា បានចេញផ្សាយបណ្ដារូបភាព របស់លោកគីម ជុងអ៊ុន ក្នុងឱកាសនៃកិច្ចប្រជុំមួយដែលផ្ដោតលើវីរុសCOVID-19 និងការគំរាមកំហែងនៃព្យុះទីហ្វុងមួយ…
ប្រទេសកូរ៉េខាងជើង ៖ បណ្ដាសារព័ត៌មានកូរ៉េខាងជើង កាលពីថ្ងៃទី២៦ សីហា បានចេញផ្សាយបណ្ដារូបភាព របស់លោកគីម ជុងអ៊ុន ក្នុងឱកាសនៃកិច្ចប្រជុំមួយដែលផ្ដោតលើវីរុសCOVID-19 និងការគំរាមកំហែងនៃព្យុះទីហ្វុងមួយ ខណៈស្ថានភាពសុខភាពរបស់លោកមានលេចពាក្យចចាមអារ៉ាមជាច្រើននៅបរទេសកាលពីប៉ុន្មានថ្ងៃមុននេះ ។
ផ្នែកសើុបការណ៍កូរ៉េខាងត្បូងធ្លាប់បានអះអាងជាពិសេសថា មេដឹកនាំកូរ៉េខាងជើងបានរំលែកអំណាចមួយចំនួនឲ្យដល់ប្អូនស្រីពៅរបស់លោក លោកស្រីគីមយ៉ូជុងមកពីបញ្ហាលោកកើតរោគទប់ប្រមល់ ។ ចំណែកឯអតីតទីប្រឹក្សាម្នាក់របស់អតីតប្រធានាធិបតីកូរ៉េខាងត្បូងលោកគីមដេយុង មុននេះនិយាយតាម FACEBOOK ថា លោកគិតថាលោកគីម ជុងអ៊ុន កំពុងស្ថិតក្នុងស្ថាន
ភាពសន្លប់មិនដឹងខ្លួនតែដោយមិនបានលើកពីភស្ដុតាងណាមួយឡើយ ។
ប៉ុន្ទែទីភ្នាក់ងារព័ត៌មានផ្លូវការកូរ៉េខាងជើងKCNA រាយការណ៍ថា លោកគីម ជុងអ៊ុន កាល
ពីថ្ងៃទី២៥ សីហា បានដឹកនាំកិច្ចប្រជុំមួយរបស់គណៈកម្មាធិការកំពូលបំផុតនៃបក្សពលករកូរ៉េ
ដោយកិច្ចប្រជុំនោះ ផ្ដោតលើការឆ្លើយតបរបស់រដ្ឋាភិបាល ចំពោះការឆ្លងរាលដាលនៃវីរុសCOVID-19 ។
ចំណែកកាសែតកូរ៉េខាងជើង RODONG SINMUN បានចេញផ្សាយបណ្ដារូបភាពនៃកិច្ចប្រជុំ ដែលគេអាចឃើញលោកគីម ជុងអ៊ុន ស្លៀកពាក់ពណ៌ស ថ្លែងទៅកាន់បណ្ដាអ្នកនៅជុំវិញលោក ។ តាមរូបភាពគេឃើញលោកកំពុងតែជក់បារីទៀតផង ។
អ្នកជំនាញការជាច្រើនមិនសូវជឿលើបណ្ដាពាក្យចចាមអារ៉ាម ស្ដីពីស្ថានភាពសុខភាពមេដឹកនាំកូរ៉េខាងជើងឡើយ ។ ខាងផ្នែកស៊ើបការណ៍កូរ៉េខាងត្បូងក៏មិនច្បាស់ពីការពិតដែលកើតមាននៅកូរ៉េខាងជើងដែរ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ