រាជធានីភ្នំពេញ ៖ ការប្រកួតបាល់ទាត់ពានរង្វាន់លីគកំពូលកម្ពុជា (មិត្តហ្វូនខេមបូឌានលីគ) រដូវកាល២០២០ ជើងទី១ នាសប្តាហ៍ចុងក្រោយ កាលពីថ្ងៃទី២៣ សីហា កន្លងទៅ…
រាជធានីភ្នំពេញ ៖ ការប្រកួតបាល់ទាត់ពានរង្វាន់លីគកំពូលកម្ពុជា (មិត្តហ្វូនខេមបូឌានលីគ) រដូវកាល២០២០ ជើងទី១ នាសប្តាហ៍ចុងក្រោយ កាលពីថ្ងៃទី២៣ សីហា កន្លងទៅ ក្រុមភ្ញៀវ បឹងកេត បានរក្សាកំណត់ត្រាមិនចាញ់របស់ខ្លួនដោយជោគជ័យបន្ទាប់ពីយកឈ្នះក្រុមព្រះខ័នរាជស្វាយរៀងដោយលទ្ធផល៤ទល់២ ខណៈក្រុមកងយោធពលខេមរភូមិន្ទ(ទ័ព)ក៏បានយកឈ្នះ
ក្រុមអគ្គិសនីកម្ពុជា៤ទល់២ដូចគ្នា ដើម្បីបន្តឱកាសដណ្តើមពាននាជើងទី២ទៀត។
ក្រោយធ្វើឱ្យក្រុមព្រះខ័នរាជស្វាយរៀង ស្គាល់រសជាតិចាញ់ជាលើកដំបូងចាប់តាំងពីប្រកួតជើងទី១ ពានលីគកំពូលកម្ពុជា រដូវកាល២០២០នេះ ក្រុមបឹងកេតបានឡើងឈរកំពូលតារាង និងបន្តភាពមិនបរាជ័យរបស់ខ្លួននៅសប្តាហ៍ចុងក្រោយនេះ ។ នាសប្តាហ៍ចុងក្រោយនេះគេបានរកឃើញ៦ក្រុមដែលមានឱកាសឡើងប្រកួតវគ្គបន្ត រួមមានក្រុមបឹងកេត, ព្រះខ័នរាជស្វាយរៀង, វិសាខា, ទ័ព, ភ្នំពេញក្រោន និងណាហ្គាវើលដ៍។
គួរបញ្ជាក់ផងដែរថា សម្រាប់ពានរង្វាន់បាល់ទាត់ក្របខ័ណ្ឌលីគកំពូលកម្ពុជារដូវកាលនេះ បានផ្លាស់ប្តូររូបមន្តប្រកួតដោយសារតែបញ្ហាកូវីដ១៩ ដោយក្រុមទាំង៦នៅខាងលើក្រោយបញ្ចប់ជើងទី១ មានឱកាសប្រកួតដណ្តើមពានជាបន្ត ខណៈក្រុមលេខ៧ ដល់ក្រុមបាតតារាងគ្រាន់តែប្រកួតកំដរប៉ុណ្ណោះដល់ចប់រដូវកាល ៕
ចែករំលែកព័តមាននេះ