van Gaal បង្ហើបបញ្ជីកីឡាករលោកចង់បានអំឡុងពេលដឹកនាំបិសាចក្រហម
អន្តរជាតិ ៖ លោក Louis van Gaal បានបង្ហើបឱ្យដឹងថា Neymar, Robert Lewandowski…
អន្តរជាតិ ៖ លោក Louis van Gaal បានបង្ហើបឱ្យដឹងថា Neymar, Robert Lewandowski…
អន្តរជាតិ ៖ លោក Louis van Gaal បានបង្ហើបឱ្យដឹងថា Neymar, Robert Lewandowski និង Sadio Mane គឺជាកីឡាករដែលលោកចង់បានខ្លាំងបំផុត ក្នុងចំណោមកីឡាករសំខាន់ៗផ្សេងទៀត អំឡុងពេលដឹកនាំក្រុម Manchester United។
អ្នកចាត់ការទូទៅជនជាតិហូឡង់ត្រូវក្លិប Man United តែងតាំងឱ្យមកជំនួសតំណែងលោក David Moyes កាលពីឆ្នាំ ២០១៤ និងទទួលបន្ទុកនៅ Old Trafford រយៈពេល ២រដូវកាល។ ប៉ុន្តែទោះបីជាដឹកនាំឈ្នះពានរង្វាន់ FA Cup នៅរដូវកាល ២០១៥-១៦ ក៏ដោយក៏ Van Gaal ត្រូវបានក្លិបបណ្តេញចេញ នឹងជ្រើសយកលោក Jose Mourinho មកដឹកនាំបន្តកាលពីឆ្នាំ ២០១៦។
អតីតចាត់ការទូទៅក្រុម Barcelona និង Bayern Munich បានបង្ហើបប្រាប់ FourFourTwo ថា លោកបានព្យាយាមនាំយកកីឡាករសំខាន់ៗមួយចំនួនទៅលេងនៅ Man United អំឡុងពេលនៅជាមួយក្លិប។ ទោះបីលោកមិនទទួលបានជោគជ័យច្រើនក៏ដោយ។
ក្នុងចំណោមកីឡាករទាំង ៣នាក់ខាងលើ លោកក៏បានបញ្ជាក់ថា Sergio Ramos, Gonzalo Higuain, Riyad Mahrez, Thomas Muller, N’Golo Kanté, Mats Hummels និង James Milner ក៏សុទ្ធតែស្ថិតក្នុងបញ្ជីកីឡាករ ដែលលោកព្យាយាមក្នុងការចុះហត្ថលេខា អំឡុងពេលនោះផងដែរ៕ (ដកស្រង់ចេញពី Goal.com)
ចែករំលែកព័តមាននេះ