វិធីសន្សំលុយទុកសម្រាប់បំពេញក្តីប្រាថ្នារបស់អ្នក
នៅពេលលោកអ្នកចង់បានឬទិញរបស់អ្វីមួយមកធ្វើជាកម្មសិទ្ធិ ហើយបែរជាពុំមានប្រាក់គ្រប់គ្រាន់ដើម្បីសម្រេចបំណងគឺពិតជារឿងនឿយណាយក្នុងជីវិតមិនចេះចប់មិនចេះហើយ ។
នៅពេលលោកអ្នកចង់បានឬទិញរបស់អ្វីមួយមកធ្វើជាកម្មសិទ្ធិ ហើយបែរជាពុំមានប្រាក់គ្រប់គ្រាន់ដើម្បីសម្រេចបំណងគឺពិតជារឿងនឿយណាយក្នុងជីវិតមិនចេះចប់មិនចេះហើយ ។
ជាដំណោះស្រាយសូមណែនាំពីវិធីសន្សំលុយទុកសម្រាប់បំពេញក្តីប្រាថ្នារបស់អ្នកឱ្យគាប់បំណងដូចតទៅ ៖
១-ចាប់ផ្តើមបើកគណនីឬកុងធនាគារ នៅសហជីពឥណទាន ប្រសិនបើមានក្នុងតំបន់ ពីព្រោះអង្គការនេះមិនរកប្រាក់ចំណេញឡើយ ។
២-ដាក់ប្រាក់ដែលទទួលបានពីបៀវត្សប្រចាំខែទៅក្នុងគណនីសន្សំ ។ ការប្រាក់ដែលកើតមានឡើងនឹងជួយអ្នកក្នុងអំឡុងពេលមួយ ។
៣-បង្កើនបរិមាននៃការសន្សំប្រចាំខែនៅពេលបន្តបន្ទាប់ អ្នកនឹងទទួលបានកំណើននៃប្រាក់សន្សំនោះ ។
៤-ដាក់ប្រាក់លើកទឹកចិត្តផ្សេងៗទៅក្នុងគណនីសន្សំនោះផងដែរ ដូចជាប្រាក់ដំណាច់ឆ្នាំ, ប្រាក់រង្វាន់លើកទឹកចិត្ត, ប្រាក់អវត្តមានក្នុងមួយឆ្នាំ និងប្រាក់ថែមម៉ោងជាដើម ។
៥-ពេលអ្នកមានប្រាក់គ្រប់គ្រាន់ក្នុងគណនីសន្សំហើយនោះ នឹងតម្រូវឱ្យមានសមតុល្យដើមសម្រាប់ជាសង្គហធន ក្នុងការវិនិយោគដូចជាផ្សារហ៊ុនជាដើម ។ នោះវានឹងអាចបង្កើនគណនីសន្សំរបស់អ្នកលឿនជាងធម្មតា ។
៦-កំណត់លើការចាយវាយពេលដើរលេងឱ្យច្បាស់លាស់ ពិសេសការទទួលទានអាហារតែម្តង ជាឧទាហរណ៍អ្នកគួរចាយតែម្តងបានហើយក្នុងមួួយខែ ។ ការធ្វើអាហារញាំុនៅផ្ទះដោយខ្លួនឯងនឹងមានប្រសិទ្ធភាពសន្សំសំចៃបានច្រើន តែផ្ទុយទៅវិញប្រសិនជាអ្នកទៅញាំុខាងក្រៅ នឹងឃើញនេះឃើញនោះចង់ទិញសំបូរបែបជាមិនខាន ។
៧-កុំទិញរបស់ដែលអ្នកមិនបានគ្រោងទិញនោះឱ្យសោះ ។
៨-កុំព្យាយាមទិញកាហ្វេរៀងរាល់ព្រឹកពេក។ បើអាចទៅរួចធ្វើវាមកពីផ្ទះ និងច្រកដបយកមកកន្លែងធ្វើការ ។
៩-ច្រកទឹកមួយដបតាមមធ្យោបាយធ្វើដំណើរជានិច្ច ចៀសវាងឈប់ទិញតាមផ្លូវពេលអ្នកស្រេកទឹក ។
១០-ជ្រើសរើសកន្លែងហាត់កីឡាណាដែលធូរថ្លៃ ពេលអនុវត្តថ្ងៃឈប់សម្រាក ។
១១-កុំព្យាយាមជួលផ្ទះថ្លៃពេក លៃលកទៅតាមប្រាក់បៀវត្សទៅបានហើយ ។
សម្គាល់
-ពេលណាអ្នកចង់ទៅដើរផ្សារ ឬទៅទិញរបស់មួយត្រូវយកប្រាក់សម្រាប់តែរបស់នោះឬលើសបន្តិចសម្រាប់សេវាផ្សេងៗបានហើយ ។
-កុំខ្ជះខ្ជាយប្រាក់លើអ្វីដែលអ្នកចង់បានឬមិនចាំបាច់
-លាក់លុយរបស់អ្នកពីក្រសែភ្នែកអ្នកដទៃ
-កុំព្យាយាមទិញសៀវភៅមិនចាំបាច់ គឺទៅមើលវានៅបណ្ណាល័យជំនួសវិញ ។
-ទិញកូនជ្រូកសន្សំលុយ និងចាប់ផ្តើមដាក់សន្សំឱ្យបានទៀងទាត់បន្តិច ៕
ចែករំលែកព័តមាននេះ