ខេត្តបាត់ដំបង ៖ ជនដៃដល់ដែលស្ទាក់វាយផ្តាច់ជីវិតបុរសម្នាក់ នៅស្រុកគាស់ក្រឡ ត្រូវបានកម្លាំងជំនាញការិយាល័យព្រហ្មទណ្ឌកំរិតធ្ងន់ តាមចាប់ខ្លួនបានហើយ កាលពីរសៀលថ្ងៃទី២០ សីហា ហើយបាននាំខ្លួនជននេះមកកាន់ស្នងការខេត្ត ដើម្បីចាត់ការបន្តតាមនីតិវិធី។…
ខេត្តបាត់ដំបង ៖ ជនដៃដល់ដែលស្ទាក់វាយផ្តាច់ជីវិតបុរសម្នាក់ នៅស្រុកគាស់ក្រឡ ត្រូវបានកម្លាំងជំនាញការិយាល័យព្រហ្មទណ្ឌកំរិតធ្ងន់ តាមចាប់ខ្លួនបានហើយ កាលពីរសៀលថ្ងៃទី២០ សីហា ហើយបាននាំខ្លួនជននេះមកកាន់ស្នងការខេត្ត ដើម្បីចាត់ការបន្តតាមនីតិវិធី។ គួររំលឹកថា មិនគួរសោះ! ជម្លោះក្នុងវង្សផឹកស៊ី បែរជាដាច់ចិត្តលើកដៃផ្តាច់ជីវិតគ្មានមេត្តា
យោងតាមរបាយការណ៏បឋម លោកអូន ហ្វៃ នាយការិយាល័យព្រហ្មទណ្ឌកំរិតធ្ងន់ បានឱ្យដឹងថា ជនសង្ស័យម្នាក់ខាងលើនេះឈ្មោះ ធា ធី ភេទប្រុស អាយុ៣៩ឆ្នាំ ជាអ្នកស៊ីឈ្នួលចាំចំការឲ្យគេនៅក្បែរកន្លែងកើតហេតុនោះ។ លោកបានបញ្ជាក់ថា បើតាមចម្លើយសារភាព ជនសង្ស័យរូបនេះបានស្ទាក់វាយផ្តាច់ជនរងគ្រោះឈ្មោះ មិត មី អាយុ៤៥ឆ្នាំ កាលពីយប់ថ្ងៃទី១៨ សីហា ក្រោយផ្ទុះជម្លោះក្នុងវង់ផឹកស៊ី។ ក្រោយពីផ្តាច់ជីវិតជនរងគ្រោះរួច ជនដៃដល់ម្នាក់នេះបានគេចទៅសម្ងំលាក់ខ្លួននៅក្នុងចំការក្បែរៗនោះ លុះ២ថ្ងៃក្រោយទើបមន្ត្រីជំនាញស្រាវជ្រាវចាប់ខ្លួនបាន។
ជាមួយនឹងការឃាត់ខ្លួន នៅចំពោះមុខសមត្ថកិច្ច ជនដៃដល់ឈ្មោះ ធា ធី បានឆ្លើយសារភាពថា នៅយប់កើតហេតុខ្លួន និង ជនរងគ្រោះ រួមនឹងអ្នកភូមិប៉ុន្មាននាក់ផងនោះ បានផឹកស៊ីជុំគ្នា តែបន្តិចក្រោយមកខ្លួនបានឈ្លោះគ្នាជាមួយឈ្មោះ មី រហូតមានការវាយតប់គ្នាទៀតផង។ ជននេះនិយាយថា ពេលនេះអ្នកផឹកជាមួយបានឃាត់ ហើយក៏បែកគ្នាទៅដេករៀងៗខ្លួនអស់ ។
ប៉ុន្តែជនសង្ស័យបានបញ្ជាក់ថា ពេលខ្លួនទៅផ្ទះបានយកកូនពូថៅ មកស្ទាក់ចាំមើលជនរងគ្រោះ រហូតជួបក៏វាយទៅលើជនរងគ្រោះត្រូវលើផ្ទៃមុខចំនួន៣ខ្នងពូថៅ។ ក្រោយមកខ្លួនក៏ស្រាតយកខោជនរងគ្រោះនិងដោះយកស្បែកជើង តែស្លៀកនិងពាក់មិនត្រូវក៏បោះចោល រួចរត់គេចខ្លួនតែម្ដង។
សូមបញ្ជាក់ថា ជនរងគ្រោះឈ្មោះ មិត មី អាយុ៤៥ឆ្នាំ ត្រូវជនដៃដល់ខាងលើ ស្ទាក់វាយផ្តាច់ជីវិតកាលពីយប់ថ្ងៃទី១៨ សីហា នៅក្បែរផ្លូវមួយកន្លែង នៅក្នុងភូមិតានួន ឃុំព្រះផុស ស្រុកគាស់ក្រឡ។ ប៉ុន្តែសាកសពជនរងគ្រោះដែលអាក្រាតកាយ ត្រូវបានអ្នកភូមិប្រទះឃើញនៅព្រឹកថ្ងៃទី១៩ សីហា ហើយក៏បានរាយការណ៏ប្រាប់សមត្ថកិច្ចឱ្យចុះពិនិត្យ រហូតថ្ងៃទី២០ សីហា ទើបមន្ត្រីការិយាល័យជំនាញចុះស្រាវជ្រាវ និងឈានដល់ការឃាត់ខ្លួនជនដៃដល់តែម្ដង។
នាយការិយាល័យព្រហ្មទណ្ឌកំរិតធ្ងន់ លោក អូន ហ្វៃ បានបញ្ជាក់ក្នុងរបាយការណ៏ថា ជនសង្ស័យបានសារភាពទទូលខុសត្រូវចំពោះការសម្លាប់មនុស្សយ៉ាងឃោឃៅនៅស្រុកគាស់ក្រឡនោះហើយ។ ពេលនេះយើងបាននាំខ្លួនជននេះមកកាន់ស្នងការខេត្ត ដើម្បីចាត់ការតាមនីតិវិធី៕ (កែសម្រួលដោយ ៖ ធីតា)
ចែករំលែកព័តមាននេះ