អន្តរជាតិ ៖ កីឡាករគ្រប់រូបតែងតែមានក្តីស្រមៃនៅកុមារភាព ចង់ចុះកុងត្រាជាមួយក្លឹបបាល់ទាត់កំពូលលើពិភពលោក ក្នុងក៏ដូចជាក្លិប Manchester United ផងដែរ។ ប៉ុន្តែពេលវេលារបស់កីឡាករ Bebé…
អន្តរជាតិ ៖ កីឡាករគ្រប់រូបតែងតែមានក្តីស្រមៃនៅកុមារភាព ចង់ចុះកុងត្រាជាមួយក្លឹបបាល់ទាត់កំពូលលើពិភពលោក ក្នុងក៏ដូចជាក្លិប Manchester United ផងដែរ។ ប៉ុន្តែពេលវេលារបស់កីឡាករ Bebé នៅ Old Trafford បានក្លាយជាសុបិន្តដ៏អាក្រក់បំផុតក្នុងជីវិតរបស់គេ។
ខ្សែបម្រើព័រទុយហ្គាល់ Tiago Manuel Dias Correia ដែលមានរហស្សនាមក្នុងបាល់ទាត់ថា Bebé គឺជាកីឡាករដែលសំណាងត្រូវបាន Sir Alex Ferguson ពេញចិត្តដោយហ៊ានចំណាយ ៧,៤លានផោន ដើម្បីនាំយករូបគេពីក្លិប Vitória S.C របស់ព័រទុយហ្គាល់មកកាន់ទឹកដី Old Trafford ប្រទេសអង់គ្លេសកាលពីឆ្នាំ២០១០។ ប៉ុន្តែការឈានជើងមកដល់ក្លិបកំពូលអង់គ្លេសមួយនេះ មិនបានជួយឱ្យ Bebé ជោគជ័យនិងប្រែក្លាយខ្លួនជាកីឡាកំពូលនោះទេ។ តែវាបែរទៅជាសុបិន្តដ៏អាក្រក់បំផុត សម្រាប់អាជីពបាល់ទាត់របស់គេ។ ដោយរយៈពេល ៤ឆ្នាំរូបគេបង្ហាញខ្លួនត្រឹមតែ ៧ប្រកួតប៉ុណ្ណោះសម្រាប់ក្រុមឈុតធំ ក្នុងនាមជាកីឡាករបម្រុង។
Bebé ដែលបច្ចុប្បន្នកំពុងលេងឱ្យក្រុមអេស្ប៉ាញ Rayo Vallecano នៅលីគលំដាប់ទី២ បានថ្លែងប្រាប់គេហទំព័រ Goal យ៉ាងដូច្នេះថា«អំឡុងពេលនោះ រាល់ថ្ងៃខ្ញុំបានទូរស័ព្ទទៅភ្នាក់ងាររបស់ខ្ញុំដើម្បីសុំគាត់អោយខ្ញុំចេញក្លិប។ វាជាពេលវេលាដ៏អាក្រក់បំផុត។ នៅពេលដែលអ្នកមិនបានលេង ទោះបីអ្នកនៅក្លិបធំក៏ដោយ។ អ្នកនឹងមិនសប្បាយចិត្តទេ ដូច្នេះហេតុអ្វីនៅបន្ត?»។
ខ្សែបម្រើវ័យ ៣០ឆ្នាំរូបនេះបន្តទៀតថា «ខ្ញុំចាំបានថា ពេលនោះខ្ញុំកំពុងលេងអោយឈុតយុវជនរបស់ United ហើយភ្នាក់ងារខ្ញុំបានទូរស័ព្ទមកខ្ញុំប្រាប់ខ្ញុំថា ខ្ញុំត្រូវបានគេលក់អោយទៅក្លិប Benfica (ព័រទុយហ្គាល់)។ វាជាពេលវេលាដ៏ល្អបំផុតនៃជីវិតរបស់ខ្ញុំ!។ វាជាក្តីសុបិនក្នុងការលេងនៅទីនោះ ពីព្រោះមិត្តភក្តិ និងក្រុមគ្រួសាររបស់ខ្ញុំទាំងអស់ជាអ្នកគាំទ្រ Benfica»៕ (ដកស្រង់ចេញពី The Sun)
ចែករំលែកព័តមាននេះ