មិនធម្មតាទេ! បុរសទាំង​​​9​នាក់​ត្រូវ​ចាប់​ខ្លួន​ហើយ ក្រោយ​ឈូស​ឆាយដី​ព្រៃ​រដ្ឋ


ខេត្តសៀមរាប ៖ មន្ត្រី​រដ្ឋបាល​ព្រៃឈើ​ខណៈ​ល្បាត​នៅ​ក្នុង​ព្រៃ បាន​ឃាត់ខ្លួន​មនុស្ស​៩​នាក់ ដែល​ជាប់​ពាក់ព័ន្ធ​នឹង​ករណី​លួច​ឈូស​ឆាយ​រំលំ​ដើមឈើ​ធំ​ៗ​របស់​រដ្ឋ ដើម្បី​កាន់កាប់​ដី​ធ្វើ​ជា​កម្មសិទ្ធិ និង​បាន​នាំ​យក​មក​សាកសួរ​នៅ​ខណ្ឌ​រដ្ឋបាល​ព្រៃឈើ​សៀមរាប ដើម្បី​កសាង​សំណុំ
រឿង​បញ្ជូន​ទៅ​សាលាដំបូង ។

ការ​ឃាត់ខ្លួន​នេះ ធ្វើ​ឡើង​កាលពី​រសៀល​ថ្ងៃ​ទី​៧ ខែសីហា ឆ្នាំ​២០២០ នៅ​ចំណុច​អូរ​ដា ក្នុងភូមិ​ខ្នារ​ក្រៅ ឃុំ​កន្ទួត ស្រុក​ស្វាយ​លើ ។

បើ​តាម​លោក ម៉ុង ប៊ុ​ន​លី​ម នាយ​ខណ្ឌ​រដ្ឋ​បាល​ព្រៃឈើ​សៀមរាប បាន​ឲ្យ​ដឹង​ថា កម្លាំង​សង្កាត់​រដ្ឋបាល​ព្រៃឈើ​កន្ទួត​ខ្នារ​ក្រៅ និង​ក្រុម​ការងារ​បង្ក្រាប​បទ​ល្មី​ស​ព្រៃឈើ​ខណ្ឌ​រដ្ឋបាល​ព្រៃឈើ​សៀមរាប សហការ​ជាមួយ​អធិការដ្ឋាន​ព្រៃឈើ​ខាងជើង​បឹង​ទន្លេសាប នគរបាល​ប៉ុស្តិ៍​ឃុំ​កន្ទួត ស្រុក​ស្វាយ​លើ និង​កម្លាំងយោធា​យោធ​ភូមិភាគ​៤ បាន​ឃាត់ខ្លួន​ជន​៩​នាក់​ដែល​ធ្វើ​សកម្ម​ភាព​ឈូស​ឆាយ​រំលំ​ដើមឈើ​ធំ​ៗ និង​ភ្ជួរ​ដី​ព្រៃ​ដោយ​ប្រើប្រាស់​ត្រាក់ទ័រ​ចំនួន​៨​គ្រឿង ឈូស​ឆាយដី​ព្រៃ​អស់​ជាង​៦​ហិ​កតា ដែល​ជា​ព្រៃរបស់​រដ្ឋ ។

លោក​បន្ត​ថា ករណី​នេះ​កម្លាំង​សមត្ថកិច្ច​បាន​នាំ​យក​គ្រឿងចក្រ​និង​ម៉ូតូ​១​គ្រឿង មក​រក្សា​ទុក​នៅ​ស្នាក់​ការ​សង្កាត់​រដ្ឋបាល​ព្រៃឈើ​កន្ទួត​ខ្នារ​ក្រៅ និង​ចងក្រង​សំណុំរឿង​តាម​ច្បាប់ ស្តី​ពី​ព្រៃឈើ បញ្ជូន​ខ្លួន​ជនសង្ស័យ​ទៅ​សាលាដំបូង​នៅ​ថ្ងៃ​ទី​៨ ខែសីហា ឆ្នាំ​២០២០ ។ ចំណែក​វត្ថុ​តាង រក្សា​ទុក​នៅ​ខណ្ឌ​រដ្ឋបាល​ព្រៃឈើ​សៀម​រាប​បណ្តោះអាសន្ន ។

ប្រភព​ព័ត៌មាន​បាន​ឲ្យ​ដឹង​ថា ករណី​ឈូស​ឆាយដី​ព្រៃ​នេះ គឺ​អាច​មាន​មេខ្លោង​នៅ​ពីក្រោយ
ខ្នង​​ជនសង្ស័យ​ខាងលើ ៕

Facebook Google Twitter Email

Live

Sponsored News

០២:៣៩ | ក្នុងស្រុក

ក្រុមហ៊ុន ភីធីធី កម្ពុជា ផ្តល់អាហារូបករណ៍ ៣០០កន្លែងដល់សិស្សកម្ពុជា ដើម្បីបណ្តុះបណ្តាលអ្នកដឹកនាំវ័យក្មេងតាមរយៈវគ្គសិក្សាពីចម្ងាយ «ទម្លាប់ល្អទាំង ៧របស់យុវវ័យឆ្នើម»

ការស្ទង់មតិគេហទំព័រថ្មី




សូម​អរគុណ