ប្រទេសរុស្ស៊ី ៖ ទីភ្នាក់ងារសហព័ន្ធជីវវេជ្ជសាស្ត្ររុស្ស៊ី FMBA ប្រកាសនាថ្ងៃទី៦ សីហាថា
បានទទួលអាជ្ញាបណ្ណសម្រាប់ថ្នាំពេទ្យដែលផលិតនៅរុស្ស៊ី មានឈ្មោះថា LEITRAGIN
ដែលអាចបង្ការជំងឺ COVID-19 ឬជួយកាត់បន្ថយបណ្ដាឥទ្ធិពលរបស់វា ។
ក្នុងសេចក្ដីប្រកាសមួយទីភ្នាក់ងារនោះគូសបញ្ជាក់នាថ្ងៃទី៦ សីហាថា នេះជាលើកដំបូងដែលទីភ្នាក់ងារមួយបានទទួលការអនុញ្ញាតឲ្យប្រើ និងចែកចាយថ្នាំបែបនោះដំបូងគេលើពិភពលោក។
បណ្ដាអ្នកស្រាវជ្រាវវិទ្យាសាស្ត្របច្ចេកវិទ្យាជីវៈវេជ្ជសាស្ត្ររបស់ FMBAបានរកឃើញថា ថ្នាំនោះដែលដំបូងឲ្យឈ្មោះថា DALARGIN នោះដើរតួនាទីដ៏សកម្ម ក្នុងការព្យាបាលបណ្ដាកោសិកាឬធ្វើឲ្យកោសិការស់ឡើងវិញ ។ លើសពីនេះទៀតថ្នាំប្រភេទនោះបានជួយយ៉ាងសកម្មដល់ការពង្រឹងភាពស៊ាំ ហៅប្រព័ន្ធការពារចំពោះអ្នកជំងឺដែលឆ្លងវីរុស COVID-19 ។ ទីបំផុតបណ្ដាអ្នក
វិទ្យាសាស្ត្ររុស្ស៊ីបានហៅថ្នាំនោះថា LEITRAGIN ។
ត្រាំជឿជាក់លើលទ្ធភាពទទួលបានវ៉ាក់សាំង១មុនបោះឆ្នោតប្រធានាធិបតី
ប្រធានាធិបតីអាមេរិកលោកដូណាល់ ត្រាំថ្លែងនាថ្ងៃទី៦ សីហាថា សហរដ្ឋអាមេរិកនឹងអាចមានវ៉ាក់សាំងមួយប្រឆាំងវីរុស COVID-19 មុនការបោះឆ្នោតប្រធានាធិបតីនាថ្ងៃទី៣ វិច្ឆិកាខាងមុខនេះ ដែលនោះជាការព្យាករណ៍ដោយសុទិដ្ឋិនិយមបំផុតជាងការលើកឡើងរហូតមកទល់ពេលនេះរបស់បណ្ដាទីប្រឹក្សារបស់លោកទទួលបន្ទុកខាងសុខាភិបាល ។
ពេលសួរដោយពិធីករវិទ្យុមួយស្ដីពីកាលបរិច្ឆេទនៃការផលិតវ៉ាក់សាំងមួយបាន លោកត្រាំបានឆ្លើយតបថា អាចមុនដំណាច់ឆ្នាំឬឆាប់ជាងនោះគឺមុនថ្ងៃទី៣ វិច្ឆិកា ។ លោកត្រាំបន្តថាខ្ញុំជឿ
ក្នុងករណីមួយចំនួន វាមានលទ្ធភាពផលិតបានមុនការបោះឆ្នោត តែយ៉ាងហោចណាស់ក្នុងរង្វង់កាលបរិច្ឆេទនោះ ៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា)
ចែករំលែកព័តមាននេះ