ប្រទេសអ៊ីតាលី ៖ Cristiano Ronaldo ត្រូវបានរាយការណ៍ថា បានបំពេញចប់សព្វគ្រប់លើការចុះហត្ថលេខាក្នុងតម្លៃ ១១លានដុល្លារអាមេរិកលើរថយន្តថ្មី Bugatti Centodieci នេះបើយោងតាមការចុះផ្សាយពីគេហទំព័រ The Sun។
សូមរំលឹកថា កាលពីសប្តាហ៍មុន ខ្សែប្រយុទ្ធឆ្នើមរបស់ក្រុមជម្រើសជាតិព័រទុយហ្គាល់ ទើបតែចាយជាង ៧លានដុល្លារអាមេរិកទិញនាវាកម្សាន្តប្រណីតថ្មីមួយ ដើម្បីជាការអបអរការឈ្នះពានរង្វាន់លីគកំពូលអ៊ីតាលី Serie A របស់ខ្លួន ជាមួយក្រុមសេះបង្កង់ Juventus និងបានធ្វើដំណើរកម្សាន្តជាមួយមិត្តស្រី រួមជាមួយកូនៗទាំង៤នាក់ នៅលើនាវាដ៏ប្រណីតនោះ ជាលើកដំបូងនៅកាលពីសប្តាហ៍មុននៅទីក្រុង Viareggio ប្រទេសអ៊ីតាលី។
សម្រាប់រថយន្តថ្មីម៉ាក Bugatti Centodieci របស់ C.Ronaldo ដែលនឹងទទួលបានវានៅពេលឆាប់ៗខាងមុខនេះ មានកម្លាំងម៉ាស៊ីនចំនួន ៨,០០០សេះ ខ្លាំងជាងស៊េរីមុនៗ។ វាអាចបង្កើនល្បឿនពី ០-១០០ គីឡូម៉ែត្រក្នុងមួយម៉ោង ដោយចំណាយពេលត្រឹមតែ ២,៤វិនាទីប៉ុណ្ណោះ។ វាក៏ជាផលិតផលមានកំណត់ ដោយក្រុមហ៊ុនសម្រេចផលិតត្រឹមតែ ១០គ្រឿងប៉ុណ្ណោះ ដើម្បីជាការអបអរសាទរខួបទី១១០ឆ្នាំ របស់ក្រុមហ៊ុនយក្សបារាំងមួយនេះ៕
ចែករំលែកព័តមាននេះ