ADផ្ទាំងផ្សព្វផ្សាយពាណិជ្ជកម្ម

Picture

ទប់ស្កាត់​ឆ្លង​រាលដាល​ក្នុង​សហគមន៍ វៀតណាម​បិទ​ការ​ចេញ​-​ចូល​ទីក្រុង​ដា​ណា​ង ខណៈ​រក​ឃើញ​១១​ករណី​ថ្មី

3 ឆ្នាំ មុន

ហាណូយ ៖ រដ្ឋាភិបាល​វៀតណាម បាន​និយាយ​នៅព្រឹកពី​ថ្ងៃ​អង្គារ​ទី​២៨ ខែកក្កដា​ថា ប្រទេស​វៀតណាម​បាន​ផ្អាក​រាល់​ជើងហោះហើរ​ទាំងអស់ ទៅ​និង​មក ពី​ទីក្រុង​ដា​ណា​ង រយៈពេល​១៥​ថ្ងៃ គិត​ចាប់ផ្តើម​ពី​ថ្ងៃ​អង្គារ​នេះ​តទៅ…

ហាណូយ ៖ រដ្ឋាភិបាល​វៀតណាម បាន​និយាយ​នៅព្រឹកពី​ថ្ងៃ​អង្គារ​ទី​២៨ ខែកក្កដា​ថា ប្រទេស​វៀតណាម​បាន​ផ្អាក​រាល់​ជើងហោះហើរ​ទាំងអស់ ទៅ​និង​មក ពី​ទីក្រុង​ដា​ណា​ង រយៈពេល​១៥​ថ្ងៃ គិត​ចាប់ផ្តើម​ពី​ថ្ងៃ​អង្គារ​នេះ​តទៅ បន្ទាប់​ពី​មានការ​ចម្លង​ក្នុង​សហគមន៍ ត្រូវ​បាន​គេ​រក​ឃើញ ១១​ករណី​ថ្មី​ទៀត នៅ​ក្នុង​ទីក្រុង​នេះ ។

រដ្ឋាភិបាល​វៀតណាម បាន​និយាយ​នៅ​ក្នុង​សេចក្តីថ្លែងការណ៍​មួយ​ថា ទីក្រុង​ដា​ណា​ង ដែល​មាន​ប្រជាជន​រស់នៅ​១.១​លាន​នាក់ ក៏​បាន​ផ្អាក​សេវាកម្ម​ដឹក​អ្នកដំណើរ និង​រថភ្លើង​ទាំងអស់ ចូលនិងចេញ​ពី​ទីក្រុង ផង​ដែរ ។ ការ​រឹតត្បិត​ថ្មី​ៗ រួម​ទាំង​ការ​បញ្ឈប់ រថយន្តក្រុង និង​រថយន្ត​តាក់ស៊ី នៅ​ក្នុង​ទីក្រុង ក៏​ត្រូវ​បាន​ប្រកាស​ផង​ដែរ បន្ទាប់​ពី​ការ​ចម្លង​ថ្មី ត្រូវ​បាន​រក​ឃើញ​សរុប​កើនឡើង​ដល់​១៤​ករណី នៅ​ក្នុង​សហគមន៍ (​នៅ​ថ្ងៃអាទិត្យ​រក​ឃើញ ០៣​ករណី ថ្ងៃ​ចន្ទ​រក​ឃើញ ១១​ករណី​បន្ថែម​) ។

ចាប់តាំងពី​ថ្ងៃ​ទី​១៦ ខែមេសាកន្លង​មក​ ពោល​គឺ​គ្មាន​ករណី​ចម្លង​ក្នុង​សហគមន៍​ទេ រយៈពេល​៩៩​ថ្ងៃ​ជាប់​គ្នា ទើបតែ​មាន​បុរស​ជនជាតិ​វៀតណាមដែល​ចូល​និវត្តន៍​ម្នាក់ អាយុ​៥៧​ឆ្នាំ រស់នៅ​ដា​ណា​ង ត្រូវ​បាន​បញ្ជាក់​ថា មាន​ជំងឺ​នេះ កាលពី​ថ្ងៃ​សៅរ៍ ដែល​ជា​ការ​ចម្លង​ក្នុង​សហគមន៍​លើក​ដំបូងនៅ​វៀតណាម ។

កាលពី​ថ្ងៃ​ចន្ទ​ម្សិលមិញ​នេះ រដ្ឋាភិបាល​បាន​និយាយ​ថា ខ្លួន​បាន​ស្នើ​សុំ​អាជ្ញាធរ​អាកាសចរណ៍​ស៊ី​វិល​វៀតណាម (CAAV) ឲ្យ​ក្រុមហ៊ុន​អាកាសចរណ៍​ក្នុងស្រុក បង្កើន​ចំនួន​ជើងហោះហើរ​ពី​ដា​ណា​ន ទៅ​កាន់​ទីក្រុង​ចំនួន​១១ ផ្សេង​ទៀត​របស់​វៀតណាម ដើម្បី​ជួយ​ជម្លៀស​ប្រជាជន ៨០.០០០​នាក់ ដែល​ភាគច្រើន​ជា​ភ្ញៀវ​ទេសចរ ។

លោក Vo Huy Cuong អគ្គនាយករង​ក្រុមហ៊ុន​អាកាសចរណ៍​ស៊ី​វិល CAAV បាន​ប្រាប់​ទីភ្នាក់ងារ​រ៉​យ​ទ័​រ​តាម​ទូរស័ព្ទ​ថា “​រាល់​ជើងហោះហើរ​ជម្លៀស​ទាំងអស់ ឥឡូវនេះ​ត្រូវ​បាន​លុប​ចោល​” អស់ហើយ ។

លោក Vo Huy Cuong បាន​បន្ត​ថា “​យើង​បាន​ប្រតិបត្តិការ​ជើងហោះហើរ ត្រឹម​ចំនួន​៩០​ជើង​យន្តហោះ ដើម្បី​ជម្លៀស​អ្នកទេសចរ​ដែល​ជាប់​គាំង​នៅ​ដា​ណា​ងកាលពី​ម្សិលមិញ ដោយសារ​ភ្ញៀវ​ទេសចរ​ភាគច្រើន ពួក​គេ​បាន​ចាក​ចេញពី​ដា​ណា​ង កាលពី​នៅ​ថ្ងៃអាទិត្យ​ដោយ​ខ្លួនឯង ភាគច្រើន​តាម​រថយន្តក្រុង​ឈ្នួល និង​រថភ្លើង ទៅ​កាន់​ខេត្ត​ក្បែរ​ៗ​នោះ​” ។

ទន្ទឹម​នឹង​នេះ​ដែរ អ្នកស្រុក​ភាគច្រើន ដែល​រស់នៅ​ក្នុង​ទីក្រុង ត្រូវ​បាន​គេ​ណែនាំ ឲ្យ​ស្នាក់​នៅ​ក្នុងផ្ទះ លើកលែងតែ​ចាំបាច់​បំផុត ដោយ​មានការ​ហាមឃាត់​មិន​ឲ្យ​ប្រមូលផ្តុំ​មនុស្ស​ច្រើន ជាង​ពីរ​នាក់ នៅ​ទី​សាធារណៈ ។ រថភ្លើង ទូក​កម្សាន្ត​តាម​កោះ រថយន្តក្រុង រថយន្ត​តាក់ស៊ី និង​យានយន្ត​ទេសចរណ៍ នៅ​ដា​ណា​ង ក៏​នឹង​ត្រូវ​បញ្ឈប់​រយៈពេល ១៥​ថ្ងៃ​ផង​ដែរ ។

រហូត​មក​ដល់​ពេល​នេះ ប្រទេស​វៀតណាម​បាន​រាយការណ៍​ថា មាន​ករណី​វីរុស​កូ​វី​ដ​-១៩ សរុប​ចំនួន ៤៣១​ករណី រួម​ទាំង​អ្នកជំងឺ ចម្លង​ថ្មី​ក្នុង​សហគមន៍ នៅ​ដា​ណា​ង និង​មិន​មាន​អ្នក​ស្លាប់​ទេ ។

នៅ​ព្រឹក​ថ្ងៃ​ទី​២៨ ខែកក្កដា​នេះ ក្រសួងសុខាភិបាល​វៀតណាម បាន​និយាយ​ថា អ្នកជំងឺ​ចំនួន​០២​ករណី នៅ​ដា​ណា​ង ស្ថិត​ក្នុង​ស្ថានភាព​ធ្ងន់ធ្ងរ ។

សូម​រម្លឹក​ថា កូ​វី​ដ​-១៩ ចម្លង​ក្នុង​សហគមន៍​វៀតណាម​ហើយ ប្រជាជន​៨​ម៉ឺន​នាក់ ត្រូវ​ជម្លៀស​ចេញពី​ទីក្រុង​ដា​ណា​ង

អត្ថបទសរសេរ ដោយ

កែសម្រួលដោយ