រាជធានីភ្នំពេញ ៖ បុរសម្នាក់ចេញពីផឹកស៊ីចង់ជក់ថ្នាំញៀន អត់លុយទិញបែកគំនិតលួចឡើងលើផ្ទះជួលនិងបានចូលលួចយកទូរស័ព្ទដៃរបស់កម្មការនីចំនួន៤គ្រឿង តែត្រូវបានគេឃើញទាន់ក៏បានហក់ចុះពីលើផ្ទះជាន់ទី៣មកក្រោម តែសំណាងល្អបានសំយ៉ាបផ្ទះជួយទ្រ បណ្តាលឱ្យរងរបួសតិចតួច និងប្រជាពលរដ្ឋវាយ
រាជធានីភ្នំពេញ ៖ បុរសម្នាក់ចេញពីផឹកស៊ីចង់ជក់ថ្នាំញៀន អត់លុយទិញបែកគំនិតលួចឡើងលើផ្ទះជួលនិងបានចូលលួចយកទូរស័ព្ទដៃរបស់កម្មការនីចំនួន៤គ្រឿង តែត្រូវបានគេឃើញទាន់ក៏បានហក់ចុះពីលើផ្ទះជាន់ទី៣មកក្រោម តែសំណាងល្អបានសំយ៉ាបផ្ទះជួយទ្រ បណ្តាលឱ្យរងរបួសតិចតួច និងប្រជាពលរដ្ឋវាយបន្ថែមហើយចាប់ប្រគល់ឱ្យសមត្ថកិច្ចចាត់ការតាមផ្លូវច្បាប់ ។ ហេតុការណ៍នេះបានកើតឡើងនៅវេលាម៉ោងជិត៣ទៀបភ្លឺ ឈានចូល ថ្ងៃទី១៦ មករា ២០១៥ នៅចំណុចផ្ទះជួល ស្ថិតក្នុងភូមិទួលព្រ សង្កាត់ចោមចៅ ខណ្ឌពោធិ៍សែនជ័យ ។ជនសង្ស័យខាងលើមានឈ្មោះ វ៉ែន សុធា អាយុ៣៣ឆ្នាំ មុខរប និង កន្លែងរស់នៅមិនពិតប្រាកដ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុបុរសសង្ស័យខាងលើបានចេញពីផឹកស៊ីនៅកន្លែងមួយ ។ បន្ទាប់ពីផឹកស៊ីរួចជនសង្ស័យរូបនេះមានបំណងចង់ជក់ថ្នាំញៀនតែគ្មានលុយទិញ ហើយក៏បានបែកគំនិតចេញធ្វើសកម្មភាពឡើងលើផ្ទះជួលដែលកម្មការនីជួលស្នាក់នៅ នឹងបានឡើងទៅជាន់ទី៣ លួចចូលទៅក្នុងបន្ទប់កម្មការនីចំនួន២បន្ទប់ ដោយលួចបានទូរស័ព្ទចំនួន៤គ្រឿង បម្រុងរត់គេចខ្លួនតែត្រូវគេប្រទះឃើញទាន់ ជនសង្ស័យភ័យក៏បានលោតចុះពីលើផ្ទះជនទី៣មកខាងក្រោម តែសំណាងល្អបានសំយ៉ាបផ្ទះជួយទ្រ បណ្តាលឱ្យរងរបួសស្រាល ហើយត្រូវប្រជាពលរដ្ឋនាំគ្នាព្រួតវាយឱ្យជនសង្ស័យរូបនេះរៀងចាល់ម្តង ។
ក្រោយពេលកើតហេតុជនសង្ស័យខាងលើត្រូវបានប្រជាពលរដ្ឋនាំយកទៅឱ្យសមត្ថកិច្ចប៉ុស្តិ៍នគរបាលរដ្ឋបាលចោមចៅចាត់ការតាមនិវិធីច្បាប់ ។
ចែករំលែកព័តមាននេះ