ក្រុងព្រះសីហនុ ៖ ប្រតិបត្តិការឆ្មក់ចូលបង្ក្រាបទីតាំងលួចលាក់ប្រកបអាជីកម្មជួញដូរផ្លូវភេទ ឃាត់ខ្លួនមនុស្សជាង៣០នាក់ ក្នុងនោះមានជនជាតិចិន ជនជាតិវៀតណាម និងជនជាតិរុស្សីជាដើម ព្រមទាំងដកហូតបានសម្ភារ វត្ថុតាងសម្រាប់បម្រើសេវាផ្លូវភេទមួយចំនួនធំផងដែរ ។…
ក្រុងព្រះសីហនុ ៖ ប្រតិបត្តិការឆ្មក់ចូលបង្ក្រាបទីតាំងលួចលាក់ប្រកបអាជីកម្មជួញដូរផ្លូវភេទ ឃាត់ខ្លួនមនុស្សជាង៣០នាក់ ក្នុងនោះមានជនជាតិចិន ជនជាតិវៀតណាម និងជនជាតិរុស្សីជាដើម ព្រមទាំងដកហូតបានសម្ភារ វត្ថុតាងសម្រាប់បម្រើសេវាផ្លូវភេទមួយចំនួនធំផងដែរ ។
ប្រតិបត្តិការខាងលើនេះធ្វើឡើងនៅពាក់កណ្តាលអាធ្រាត្រយប់ថ្ងៃទី១៦ ខែកក្កដា ឆ្នាំ២០២០ នៅចំណុចភ្នំខៀវ ក្រុម៣ ភូមិ១ ក្នុងសង្កាត់លេខ២ ក្រុងព្រះសីហនុ ។ ទីតាំង នៃការជួញដូរផ្លូវភេទខុសច្បាប់ មានចំនួន០៣ទីតាំង បង្កប់នៅក្នុងផ្ទះសំណាក់យីហោ «យិងប៊ិន» «ពូអៀក» និង«អ៊ីចាន់» ។
សមត្ថកិច្ច បានឲ្យដឹងថា ប្រតិបត្តិការនេះចូលរួមពីកម្លាំងនគរបាលជំនាញប្រឆាំងការជួញដូរមនុស្ស និងការពារអនីតិជន ស្នងការដ្ឋាននគរបាលខេត្ត ព្រមទាំងកម្លាំងអធិការដ្ឋាននគរបាលក្រុងព្រះសីហនុ ដឹកនាំសម្របសម្រួលផ្លូវច្បាប់ពីលោក លឹម ប៊ុនហេង ព្រះរាជអជ្ញារងនៃអយ្យការអមសាលាដំបូងខេត្តព្រះសីហនុ ។
សមត្ថកិច្ច បានបន្តថា កម្លាំងបានឃាត់ខ្លួនជនពាក់ពន្ធ័ ក្នុងករណីនេះមានមនុស្សចំនួន៣១នាក់ (ប្រុស ១៦នាក់ និងស្រី១៥នាក់) ។ ក្នុងនោះមានជនជាតិចិន ជនជាតិវៀតណាម និងជនជាតិរុស្សីជាដើម ព្រមទាំងដកហូតបានសម្ភារ វត្ថុតាងសម្រាប់បម្រើសេវាផ្លូវភេទមួយចំនួនធំ ។
ជនពាក់ពន្ធ័ទាំង៣១នាក់ និង វត្ថុតាង សមត្ថកិច្ចបញ្ជូនខ្លួនមកអធិការដ្ឋាននគរក្រុងព្រះសីហនុ ដើម្បីធ្វើការសាកសួរទៅតាមផ្លូវច្បាប់ ខណៈទីតាំងអាជីវកម្មជួញដូរផ្លូវភេទនេះ ក៏ត្រូវបានសមត្ថកិច្ចបញ្ជាឱ្យបិទផងដែរ ។
សូមជម្រាបដែរថា ហាងម៉ាស្សាចិនមួយ បានផ្សព្វផ្សាយសេវាកម្មផ្លូវភេទ នៅលើហ្វេសប៊ុក ដែលបង្ហោះផ្សព្វផ្សាយមានអត្ថន័យបម្រើសេវាកម្មផ្លូវភេទ ហើយសរសេរជាភាសាចិន មានន័យថា ពួកគេមាននារីស្អាតៗ វ័យក្មេង ហើយមានអាយុក្រោម២០ឆ្នាំ នឹងផ្តល់សេវាកម្មដ៏កក់ក្តៅ និងមានភាពស្មោះត្រង់ដល់អតិថិជន ។
ហាងម៉ាស្សា បានរាប់រៀបទៀតថា មានបុគ្គលិកស្អាតៗ ក្មេងៗ ថ្មីៗជាច្រើន ដែលរួមមានទាំងនិស្សិត អ្នកធ្វើការ តារាម៉ូដែល មានគ្រប់ជនជាតិ មានទាំងអឺរ៉ុប អាមេរិក ជប៉ុន កូរ៉េ ចិន និងវៀតណាម ថែមទៀតផង ដែលសុទ្ធសឹងតែរួសរាយរាក់ទាក់ដល់អតិថិជនមិនអោយទាស់ចិត្តឡើយ ។
ហាងមួយនេះ ក៏បានបញ្ជាក់ដែរថា កន្លែងរបស់ពួកគេផ្តល់សេវាកម្មពិសេសមួយកំផ្លេរ ដែលមានទីតាំងនៅក្នុងក្រុងភ្នំពេញ និងក្រុងព្រះសីហនុ ដែលមានម៉ាស្សា និងស្ប៉ា នៅក្នុងសណ្ឋាគារ ។
យ៉ាងណាហាងម៉ាស្សានេះ មិនដាក់ទីតាំងពិតប្រាកដនោះទេ ដោយគ្រាន់តែដាក់លេខទូរស័ព្ទ (ក្បាល096មួយខ្សែ) ឲ្យអតិថិជនធ្វើការកក់ ។ បើកកត់រួចហើយនោះនឹងមានរថយន្តទៅទទួលយកអតិថិជនទៅហាងម៉ាស្សានោះ ថែមទៀតផង ។
បើតាមដឹងហាងមួយនេះ ទទួលអតិថិជនជាជនជាតិចិន ជាចម្បង ដោយចំណាយ មានចាប់ពី ៧៩$ ដល់ ៣១៩$ រយៈពេលវេលាសេវាកម្ម ៩០នាទី ៕
ចែករំលែកព័តមាននេះ