ADផ្ទាំងផ្សព្វផ្សាយពាណិជ្ជកម្ម

Picture

ហាង​ម៉ាស្សា​ចិន​មួយ ផ្សព្វផ្សាយ​សេវាកម្ម​ផ្លូវភេទ នៅ​លើ​ហ្វេ​ស​ប៊ុ​ក

1 ឆ្នាំ មុន

រាជធានី​ភ្នំពេញ ៖ យោង​តាម​ផេ​ក​ហ្វេ​ស​ប៊ុ​ក​របស់​ហាង​ម៉ាស្សា​ជនជាតិ​ចិន ដែល​បង្ហោះ​ផ្សព្វផ្សាយ​មាន​អត្ថន័យ​បម្រើ​សេវាកម្ម​ផ្លូវភេទ នៅ​លើ​បណ្តាញ​សង្គម​ហ្វេ​ស​ប៊ុ​ក ដែល​សរសេរ​ជា​ភាសា​ចិន រៀបរាប់​ថា ពួក​គេ​មាន​នារី​ស្អាត​ៗ វ័យក្មេង ហើយ​មាន​អាយុ​ក្រោម…

រាជធានី​ភ្នំពេញ ៖ យោង​តាម​ផេ​ក​ហ្វេ​ស​ប៊ុ​ក​របស់​ហាង​ម៉ាស្សា​ជនជាតិ​ចិន ដែល​បង្ហោះ​ផ្សព្វផ្សាយ​មាន​អត្ថន័យ​បម្រើ​សេវាកម្ម​ផ្លូវភេទ នៅ​លើ​បណ្តាញ​សង្គម​ហ្វេ​ស​ប៊ុ​ក ដែល​សរសេរ​ជា​ភាសា​ចិន រៀបរាប់​ថា ពួក​គេ​មាន​នារី​ស្អាត​ៗ វ័យក្មេង ហើយ​មាន​អាយុ​ក្រោម ២០​ឆ្នាំ នឹង​ផ្តល់​សេវាកម្ម​ដ៏​កក់ក្តៅ និង​មាន​ភាព​ស្មោះត្រង់​ដល់​អតិថិជន ។

ហាង​ម៉ាស្សា បាន​រាប់រៀប​ទៀត​ថា មាន​បុគ្គលិក​ស្អាត​ៗ ក្មេង​ៗ ថ្មី​ៗ​ជា​ច្រើន ដែល​រួម​មាន​ទាំង​និស្សិត អ្នកធ្វើការ តារា​ម៉ូ​ដែល មាន​គ្រប់​ជនជាតិ មាន​ទាំង​អឺរ៉ុប អា​មេ​រិ​ក ជប៉ុន កូរ៉េ ចិន និង​វៀតណាម ថែម​ទៀត​ផង ដែល​សុទ្ធសឹងតែ​រួសរាយ​រាក់ទាក់​ដល់​អតិថិជន​មិន​អោយ​ទាស់ចិត្ត​ឡើយ ។

ហាង​មួយ​នេះ ក៏​បាន​បញ្ជាក់​ដែរ​ថា កន្លែង​របស់​ពួក​គេ​ផ្តល់​សេវាកម្ម​ពិសេស​មួយ​កំ​ផ្លេ​រ ដែល​មា​នទី​តាំងនៅ​ក្នុង​ក្រុងភ្នំពេញ និង​ក្រុងព្រះសីហនុ ដែល​មាន​ម៉ាស្សា និង​ស្ប៉ា នៅ​ក្នុង​សណ្ឋាគារ ។

យ៉ាងណា​ហាង​ម៉ាស្សា​នេះ មិន​ដាក់​ទីតាំង​ពិតប្រាកដ​នោះ​ទេ ដោយ​គ្រាន់តែ​ដាក់​លេខ​ទូរស័ព្ទ (​ក្បាល​096​មួយ​ខ្សែ​) ឲ្យ​អតិថិជន​ធ្វើការ​កក់ ។ បើក​កត់​រួច​ហើយ​នោះ​នឹង​មាន​រថយន្ត​ទៅ​ទទួលយក​អតិថិជន​ទៅ​ហាង​ម៉ាស្សា​នោះ ថែម​ទៀត​ផង ។

បើ​តាម​ដឹង​ហាង​មួយ​នេះ ទទួល​អតិថិជន​ជា​ជនជាតិ​ចិន ជា​ចម្បង ដោយ​ចំណាយ មាន​ចាប់ពី ៧៩$ ដល់ ៣១៩$ រយៈពេល​វេលា​សេវាកម្ម ៩០​នាទី ។

សូម​ជម្រាប​ផង​ដែរ​ថា បន្ទាប់​ពី​មានការ​ផ្សព្វផ្សាយ របស់​ហាង​ម៉ាស្សា​ដែល​មាន​បម្រើ​សេវាកម្ម​ពិសេស នៅ​លើ​បណ្តាញ​សង្គម​ហ្វេ​ស​ប៊ុ​ករួច​មក គេ​នៅ​មិន​ទាន់​ឃើញ​អាជ្ញាធរ ឫ​សមត្ថកិច្ច​ជំនាញ​ពាក់ព័ន្ធ​ណាមួយ ចុះ​ស្រាវជ្រាវ ត្រួតពិនិត្យ​នៅឡើយ​ទេ រហូត​មក​ដល់​យប់​ថ្ងៃ​ទី​១៦ កក្កដា ២០២០​នេះ ៕

Picture
Picture
Picture
Picture
Picture
Picture