ខេត្តមណ្ឌលគិរី ៖ រថយន្តដឹកឈើប្រណីតពីរគ្រឿងត្រូវបានមន្ត្រីជំនាញសហការជាមួយកម្លាំងអាវុធហត្ថស្រុកពេជ្រាដា ស្ទាក់ចាប់បាននៅផ្លូវចម្ការកៅស៊ូបារាំង កាលពីវេលាម៉ោង១០យប់ ថ្ងៃទី១ មករា ២០១៥
ខេត្តមណ្ឌលគិរី ៖ រថយន្តដឹកឈើប្រណីតពីរគ្រឿងត្រូវបានមន្ត្រីជំនាញសហការជាមួយកម្លាំងអាវុធហត្ថស្រុកពេជ្រាដា ស្ទាក់ចាប់បាននៅផ្លូវចម្ការកៅស៊ូបារាំង កាលពីវេលាម៉ោង១០យប់ ថ្ងៃទី១ មករា ២០១៥ ស្ថិតនៅភូមិពូចារ ឃុំប៊ូស្រា ស្រុកពេជ្រាដា។
លោកព្រំ សាវ៉េន មេបញ្ជាការកងរាជអាវុធហត្ថស្រុកពេជ្រាដាបានឲ្យដឹងថា មុនពេលចុះបង្ក្រាប លោកបានទទួលព័ត៌មានពីកម្លាំងសម្ងាត់ថា មានរថយន្តពីរគ្រឿងបានលួចដឹកឈើពេញៗក្នុងតំបន់ផ្លូវចម្ការកៅស៊ូបារាំងឆ្ពោះទៅព្រំដែនកម្ពុជា-វៀតណាម។
លោកបានបន្តថា ក្រោយពីទទួលបានព័ត៌មានច្បាស់ការណ៍ហើយនោះ លោកក៏បានសហការជាមួយមន្ត្រីរដ្ឋបាលព្រៃឈើចុះពួនស្ទាក់ចាប់បានរថយន្តដឹកឈើពីរគ្រឿងម៉ាកឡង់គ្រីស្ស័រដែលមានផ្ទុកឈើប្រណីតប្រភេទនាងនួនពេញប្រៀប។
បើតាមការបញ្ជាក់របស់លោកមេបញ្ជាការប៉េអឹមបានបន្តថា បន្ទាប់ពីសមត្ថកិច្ចធ្វើការបង្ក្រាបបានរថយន្តដឹកឈើទាំងពីរគ្រឿងខាងលើរួចមក ស្រាប់តែមានមនុស្សមួយក្រុមមានគ្នីគ្នាប្រមាណជិត៣០នាក់ បាននាំគ្នាសម្រុកមករំដោះរថយន្តល្មើសច្បាប់វិញ។ ប៉ុន្តែសកម្មភាពរបស់ពួកគេត្រូវបានបរាជ័យ ព្រោះតែលោកមេបញ្ជាការប៉េអឹមបានបន្ថែមកម្លាំងទៀតទើបធ្វើឲ្យក្រុមជនល្មើសច្បាប់ទាំងនោះនាំគ្នាដកថយទៅវិញ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ