គេហទំព័របច្ចេកវិទ្យា GSMArena ចេញផ្សាយកាលពីពេល ថ្មីៗនេះឱ្យដឹងថា ក្រុមហ៊ុនកូរ៉េ LG ត្រៀមសម្ញែងផលិតផលថ្មីអេក្រង់កុំព្យូទ័ររាងកោងទំហំ ៣៤អីុញចំនួន ៣គ្រឿង ដែលផ្តោតមុខងារលើហ្គេមកម្សាន្ត និងកម្មវិធី ប្លែកៗមួយចំនួនទៀតជាមួយនឹងពន្លឺផ្ទៃអេក្រង់ភ្លឺច្បាស់ល្អ ។
លក្ខណៈពិសេសរបស់អេក្រង់កុំព្យូទ័រទាំង ៣ គ្រឿងនេះផលិតឡើងជាពិសេសមិនដូចជាផលិតផលរបស់ក្រុមហ៊ុនផ្សេងទៀតទេ ពោលគឺប្រើប្រាស់បច្ចេកវិទ្យា AMD FreeSync ផ្តល់ភាពងាយស្រួលដល់អ្នកប្រើប្រាស់ក្នុងការទស្សនារូបភាពរស់រវើកជាមួយអេក្រង់កោងសម័យថ្មី ។ ក្រុមហ៊ុន LG មិនបានអះអាងបញ្ជាក់ពីតម្លៃរបស់ផលិតផលទាំង៣នោះទេ តែពួកវានឹងលេចរូបរាងនៅក្នុងពិធីតាំងពិពរ័ណ៍អេឡិចត្រូនិក CES នៅថ្ងៃទី៦ មករា ដល់ថ្ងៃទី៩ មករា នៅទីក្រុងឡាសវេ៉ហ្គាស សហរដ្ឋអាមេ រិក ។
ក្រុមហ៊ុន LG បង្កើតឡើងក្នុងឆ្នាំ១៩៤៧ នៅទីក្រុងប៊ូសាន ប្រទេសកូរ៉េខាងត្បូង ដោយស្ថាបនិកឆ្នើមគឺលោកកូ អុីនវ៉ូ ៕
ចែករំលែកព័តមាននេះ