ប្រទេសឥណ្ឌូនេស៊ី ៖ សមាគមកីឡាបាល់ទាត់ឥណ្ឌូនេស៊ី (PSSI) បានប្រកាសជាផ្លូវការ ពីការជ្រើសរើសកីឡដ្ឋានបាល់ទាត់ចំនួន៦ ក្នុងចំណោមកីឡដ្ឋាន ១០ ដែលសក្តានុពលក្នុងប្រទេស ដើម្បីត្រៀមសម្រាប់រៀបចំព្រឹត្តិការណ៍ FIFA U-20 World Cup ឆ្នាំ២០២១ ដែលនឹងត្រូវរៀបចំឡើងនៅក្នុងប្រទេសនេះ ជាលើកដំបូងក្នុងប្រវត្តិសាស្ត្រ។
យោងតាមទីភ្នាក់ងារសារព័ត៌មានជាតិចិនស៊ីនហួ (Xinhua) បានចុះផ្សាយថា កីឡដ្ឋានទាំង ៦ នេះមានទីតាំងស្ថិតនៅកោះ Java, Sumatra និងកោះ Bali ។ កីឡាដ្ឋានដែលត្រូវបានជ្រើសរើសសម្រាប់ព្រឹត្តិការណ៍នេះ រួមមាន៖ កីឡដ្ឋាន Gelora Bung Karno, Gelora Bung Tomo, Jalak Harupat, Gelora Sriwijaya, Kapten I Wayan Dipta និងកីឡដ្ឋាន Manahan ។
សូមបញ្ជាក់ថា ការប្រកួតព្រឹត្តិការណ៍ FIFA U-20 World Cup 2021 គ្រោងនឹងចាប់ផ្តើមពីថ្ងៃទី២០ ខែឧសភា ដល់ថ្ងៃទី១២ ខែមិថុនា ឆ្នាំ២០២១ ។
បើយោងតាម PSSI បានបញ្ជាក់ឱ្យដឹងថា គណៈប្រតិភូរបស់ FIFA នឹងធ្វើដំណើរទស្សនកិច្ចមកកាន់ប្រទេសឥណ្ឌូនេស៊ី ដើម្បីត្រួតពិនិត្យមើលកីឡដ្ឋានទាំង៦ ក្នុងពេលឆាប់ៗខាងមុខ ។
ចែករំលែកព័តមាននេះ