ខ្សែការពារកណ្តាល Kim Min-jae របស់ក្រុម Beijing Guoan នៅលីគកំពូលចិន (CSL) ដែលបច្ចុប្បន្នកំពុងឡើងជើងខ្លាំង និងជាកីឡាករដែលលេចធ្លោនៅតំបន់អាស៊ី ត្រូវបានរាយការណ៍ថា កំពុងជាប់ទាក់ទិនការផ្ទេរទៅកាន់ក្របខណ្ឌ Premier League ជាមួយក្រុម Everton ក្រោមការដឹកនាំរបស់គ្រូបង្វឹកលោក Carlo Ancelotti ។
Kim ក៏ធ្លាប់ជាផ្នែកមួយនៃក្រុមជម្រើសជាតិកូរ៉េខាងត្បូងអាយុក្រោម ២៣ឆ្នាំ ដែលបានផ្តួលជប៉ុនក្នុងវគ្គផ្តាច់ព្រ័ត្រនៃព្រឹត្តិការណ៍ Asian Games នៅថ្ងៃទី១ ខែកញ្ញា ឆ្នាំ២០១៨។ ហើយគេបានបន្តបង្ហាញភាពខ្លាំងរបស់ខ្លួនជាមួយក្រុមឈុតធំក្នុងព្រឹត្តិការណ៍ Asian Cup កាលពីឆ្នាំមុន បើទោះបីជាពួកគេរងការបរាជ័យត្រឹមវគ្គ ៨ក្រុមចុងក្រោយដោយប្រទេសកាតាក៏ដោយ ប៉ុន្តែ Kim ត្រូវបានបញ្ចូលឈ្មោះទៅក្នុងក្រុមកីឡាករល្អប្រចាំព្រឹត្តិការណ៍នេះផងដែរ ៕
ចែករំលែកព័តមាននេះ