ខេត្តក្រចេះ ៖ ស្ពានបេតុងចំនួន៥កន្លែង ដែលជាជំនួយឥតសំណងរបស់រាជដ្ឋាភិបាលជប៉ុន(JICA)ក្នុងខេត្តក្រចេះសម្រេចបាន95% ក្រោយបើកការស្ថាបនាមានរយៈជិត២ឆ្នាំកន្លងមកនេះ និងបញ្ចប់ការសាងសងនៅខែកញ្ញាខាងមុខ ហើយនឹងគ្រោងបើកអោយធ្វើដំណើរលើស្ពានថ្មីនៅចុងខែកក្កដា២០២០ ។ តាមរយៈសមិទ្ធផលទាំងអស់នេះ និងបម្រើផលប្រយោជន៍ដល់សាធារណៈជន…
ខេត្តក្រចេះ ៖ ស្ពានបេតុងចំនួន៥កន្លែង ដែលជាជំនួយឥតសំណងរបស់រាជដ្ឋាភិបាលជប៉ុន(JICA)ក្នុងខេត្តក្រចេះសម្រេចបាន95% ក្រោយបើកការស្ថាបនាមានរយៈជិត២ឆ្នាំកន្លងមកនេះ និងបញ្ចប់ការសាងសងនៅខែកញ្ញាខាងមុខ ហើយនឹងគ្រោងបើកអោយធ្វើដំណើរលើស្ពានថ្មីនៅចុងខែកក្កដា២០២០ ។ តាមរយៈសមិទ្ធផលទាំងអស់នេះ និងបម្រើផលប្រយោជន៍ដល់សាធារណៈជន ក្នុងការធ្វើចរាចរណ៍ឆ្លងកាត់ និងដឹកជញ្ជូនសមិទ្ធផលនានា ។ នេះជាការថ្លែងបញ្ជាក់ឲ្យដឹងពីលោក វ៉ា ថន អភិបាលនៃគណៈអភិបាលខេត្ដក្រចេះ។
លោក វ៉ា ថន អាភិបាលខេត្ត បានថ្លែងប្រាប់ឲ្យដឹងកាលពីពេលថ្មីៗនេះទៀតថា ដោយមើលឃើញពីផលពិបាករបស់បងប្អូនប្រជាពលរដ្ឋក្នុងខេត្ត និងសាធារណៈជនឆ្លងកាត់ អំពីស្ពានដែកបាឡេចាស់ ទ្រុឌទ្រោមនិងតូចចង្អៀតកកស្ទះដូចកដប ទើបរាជរដ្ឋាភិបាលប្រទេសជប៉ុន បានផ្តល់នូវជំនួយឥតសំណងដល់រាជរដ្ឋាភិបាលកម្ពុជា តាមរយៈក្រសួងសាធារណការ និងដឹកជញ្ជូនដល់ខេត្តក្រចេះនូវស្ពានបេតុងចំនួន៥ កន្លែងមានទំហំទទឹង១១ម៉ែត្រ សរុបប្រវែង ២.៦៨៩ម៉ែត្រ ដែលចាប់ផ្តើមដំណើរការសាងសង់ ចាប់ពីថ្ងទី១ ខែមិថុនា ២០១៨ ហើយនឹងគ្រោងបញ្ចប់ នៅខែកញ្ញា២០២០ ខាងមុខនេះ ។
ស្ពានវែងខ្លីទាំង៥កន្លែង ត្រូវបានស្ថាបនាឡើងតាមលក្ខណៈស្តង់ដារបស់ជប៉ុនមានទាំង គុនភាពនិងសោភណ្ឌភាព នៅលើកំណាត់ផ្លូវជាតិលេខ៧៣ ពីស្រុកឆ្លូងមក ខេត្តក្រចេះ។ ក្នុងនោះដែរ ក្នុងនាមអភិបាលខេត្តតំណាងឲ្យពលរដ្ឋនៅខេត្តក្រចេះ លោកក៏បានធ្វើការថ្លែងអំណរគុណចំពោះរាជរដ្ឋាភិបាលប្រទេសជប៉ុន ដែលបានផ្តល់នូវជំនួយឥតសំណង មករាជរដ្ឋាភិបាលកម្ពុជា ជាពិសេសប្រជាពលរដ្ឋក្នុងខេត្តក្រចេះតែម្តង ដើម្បីទទួលបាននូវ ការសម្រួលចរាចរណ៍ទៅមក ហើយក៏បានធ្វើការសំណូមពរដល់បងប្អូន សាធារណៈជន និងជាពិសេសបងប្អូនប្រជាពលរដ្ឋ ដែលរស់នៅតំបន់នោះ សូមចូលរួមថែរក្សា និងការពារ នូវសមិទ្ធផលថ្មីនេះ ឲ្យបានល្អគង់វង់។
គួរបញ្ជាក់ផងដែរថា សមិទ្ធផលធំៗក្នុងខេត្តក្រចេះទៅថ្ងៃមុខ ក្រៅពីស្ពានទាំង៥ខាង លើសាងសងរួចជាស្ថាពរនោះ រដ្ឋមន្ត្រីក្រសួងសាធារណការនិងដឹកជញ្ជូន លោក ស៊ុន ចាន់ថុល ក៍បានជូនដំណឹងល្អដល់ប្រជាពលរដ្ឋទាំងអស់ផងដែរថា សមទ្ឋិផលថ្មីមួយទៀត សម្រាប់ខេត្តក្រចេះ គឺគម្រោងសាងសង់ស្ពាន ឆ្លងទន្លេមេគង្គនៅខេត្តក្រចេះ ក៏ត្រូវបានសិក្សាចប់សព្វគ្រប់ និងគ្រោងដាក់ដេញថ្លៃ នៅពេលខាងមុខដើម្បីជួយសម្រួលដល់ការធ្វើដំណើរ និងដឹកជញ្ជូនផលិតផលឆ្លងកាត់ទៅកាន់ខេត្តកំពង់ធំឱ្យបានឆាប់រហ័ស ចំណេញពេលវេលា និងកាត់បន្ថយការកកស្ទះចរាចរណ៍និងគ្រោះថ្នាក់ចរាចរណ៍ជាដើម។
ចែករំលែកព័តមាននេះ