កីឡាការិនីម្នាក់ជួបគ្រោះអកុសល ខណៈធ្វើដំណើរផ្សេងព្រេងនៅតំបន់ជ្រលងភ្នំ
ប្រទេសបារាំង ៖ សហព័ន្ធកីឡាតោងជញ្ជាំង និងឡើងភ្នំបារាំង (FFME) បានប្រកាសថា កីឡាការិនីឡើងភ្នំអាជីពវ័យក្មេង Luce Douady បានបាត់បង់ជីវិតកាលពីថ្ងៃអាទិត្យ…
ប្រទេសបារាំង ៖ សហព័ន្ធកីឡាតោងជញ្ជាំង និងឡើងភ្នំបារាំង (FFME) បានប្រកាសថា កីឡាការិនីឡើងភ្នំអាជីពវ័យក្មេង Luce Douady បានបាត់បង់ជីវិតកាលពីថ្ងៃអាទិត្យ…
ប្រទេសបារាំង ៖ សហព័ន្ធកីឡាតោងជញ្ជាំង និងឡើងភ្នំបារាំង (FFME) បានប្រកាសថា កីឡាការិនីឡើងភ្នំអាជីពវ័យក្មេង Luce Douady បានបាត់បង់ជីវិតកាលពីថ្ងៃអាទិត្យ ក្រោយរអិលដួលធ្លាក់ពីច្រាំងថ្មនៅតំបន់ក្បែរផ្ទះរបស់នាងភាគអាគ្នេយ៍ប្រទេសបារាំង។
កីឡាការិនី Luce Douady ដែលមានវ័យ១៦ឆ្នាំ រួមជាមួយមិត្តភក្តិរបស់នាងមួយក្រុម បាននាំគ្នាធ្វើដំណើរផ្សងព្រេងនៅតំបន់ជ្រលងភ្នំ។ ប៉ុន្តែជាអកុសលនាងបានរអិលជើងធ្លាក់ពីកម្ពស់ ១៥០ម៉ែត្រក្នុងពេលដែលនាងព្យាយាមតោងឆ្លងកាត់ពីចន្លោះភ្នំមួយទៅភ្នំមួយទៀត។
FFME បានបញ្ជាក់នៅលើគេហទំព័ររបស់ខ្លួនថា វាគឺជារឿងដ៏សោកសៅបំផុត ដែលសហព័ន្ធឡើងភ្នំបានដឹងពីដំណឺងនៃការបាត់បង់ជីវិតរបស់មនុស្សម្នាក់ក្នុងចំណោមពួកគេ ។ Luce គឺជាអត្តពលិកវ័យក្មេង ដែលមានភាពជោគជ័យម្នាក់ក្នុងក្រុមឡើងភ្នំបារាំង។ ហើយថ្ងៃនេះសហព័ន្ធទាំងមូលសូមធ្វើការកាន់ទុក្ខ ចំពោះការបាត់បង់នេះ ។
ដោយឡែកក្លិបដែលនាងកំពុងប្រកបអាជីព Chambery Escalade បាននឹងកំពុងកាន់ទុក្ខដ៏ក្រៀមក្រំ ចំពោះការបាត់បង់កីឡាការិនីវ័យក្មេង ពោរពេញទៅដោយថាមពល និងទេពកោសល្យបំផុតក្នុងវិស័យនេះ។
សូមជម្រាបជូនថា Luce Douady គឺជាម្ចាស់ជើងឯកពិភពលោក ផ្នែកកីឡាឡើងភ្នំដែលមានវ័យក្មេងជាងគេបំផុតរបស់បារាំង ។ នាងបានចូលរួមការប្រកួតប្រជែងលំដាប់ខ្ពស់កាលពីឆ្នាំមុន ដោយឈរនៅចំណាត់ថ្នាក់លេខ៥ ក្នុងព្រឹត្តិការណ៍ Bouldering World Cup នៅទីក្រុង Vail រដ្ឋកូឡូរ៉ាដូ សហរដ្ឋអាមេរិក ៕ (ដកស្រង់ចេញពី Reuters)
ចែករំលែកព័តមាននេះ