AFP ផ្សាយកាលពីពេល ថ្មីៗនេះថា សភាជប៉ុន បានឆ្លងច្បាប់ដាក់ទោសដល់អ្នកយករូបថតអាសអាភាសរបស់អតីតគូស្នេហ៍បង្ហោះតាមហ្វេសប៊ុកជាការសងសឹក ដោយចាត់ទុកថា វាជាឧក្រិដ្ឋកម្មមួយកំពុងរីករាលដាលខ្លាំងតាមអីុនធើរណេត ។
AFP ផ្សាយកាលពីពេល ថ្មីៗនេះថា សភាជប៉ុន បានឆ្លងច្បាប់ដាក់ទោសដល់អ្នកយករូបថតអាសអាភាសរបស់អតីតគូស្នេហ៍បង្ហោះតាមហ្វេសប៊ុកជាការសងសឹក ដោយចាត់ទុកថា វាជាឧក្រិដ្ឋកម្មមួយកំពុងរីករាលដាលខ្លាំងតាមអីុនធើរណេត ។
នៅក្នុងសេចក្តីព្រាងច្បាប់ ដែលឆ្លងកាត់ការយល់ស្របពីសភាជាឯកច្ឆន្ទ និងផ្ញើទៅព្រឹទ្ធសភាពិចារណានោះរំពឹងថា នឹងប្រកាសឱ្យប្រើក្នុងពេល ឆាប់ៗខាងមុខនេះ ។ ច្បាប់នោះជាលទ្ធផលថ្មីចុងក្រោយរបស់សភាជប៉ុនក្នុងអាណត្តិបច្ចុប្បន្ន នៅមុនពេលលោកនាយករដ្ឋមន្ត្រិស៊ីនសូ អាបេ នឹងប្រកាសរំលាយសភា ដើម្បីរៀបចំបោះឆ្នោតក្នុងខែធ្នូខាងមុខ ។ ច្បាប់បានកំណត់ថា អ្នកដែលយករូបថតឬវីដេអូឃ្លីបអាសអាភាសរបស់បុគ្គលដែលខ្លួនមានសម្ព័ន្ធភាពស្នេហាចុះផ្សាយដើម្បីសងសឹក នឹងមានទោសជាប់គុក៣ឆ្នាំ ឬពិន័យជាប្រាក់ខ្ពស់ដល់ទៅ៥០០.០០០យ៉េន ឬជិត៥ពាន់ ដុល្លារ ។ ច្បាប់នោះមានប្រភពចេញពីរឿងហេតុនៅក្រុងតូក្យូ កាលពីឆ្នាំមុន ដោយបុរសម្នាក់យករូបស្រាតរបស់អតីតគូស្នេហ៍ ផ្សាយលើគេហទំព័រធ្វើឱ្យនាងអាម៉ាស់យ៉ាងខ្លាំង ។
ច្បាប់នោះក៏បានអនុញ្ញាតឱ្យអ្នកបម្រើផ្នែកអីុនធើរណេត អាចលុបរូបភាព ឬវីដេអូឃ្លីបដែលសង្ស័យដោយមិនចាំបាច់សុំការអនុញ្ញាតពីអ្នកបង្ហោះចូលទេ ប្រសិនបើម្ចាស់រូបថត ឬវីដេអូឃ្លីបមិនលុបចេញក្នុងរយៈពេល២ថ្ងៃ ក្រោយពីមានការទាមទារ ។
កាសែត «អាសាហ៊ី ស៊ុមប៊ុន» របស់ជប៉ុនផ្សាយថា កាលពីឆ្នាំ២០១៣ ប៉ូលិសជប៉ុនបានចាប់ខ្លួនជនជាប់ចោទសរុប៣១៨នាក់ពីបទ «ផ្សព្វផ្សាយរូបអាសអាភាសដើម្បីសងសឹក» ដោយកើនលើសកាលពីឆ្នាំ២០១២ប្រហែល៣៤% ខណៈពេលជនរងគ្រោះភាគច្រើនជាយុវជនអាយុទាបជាង១៨ឆ្នាំ ។
ប៉ូលិសជប៉ុនម្នាក់និយាយថា ការកើនឡើងរបស់ទូរស័ព្ទស្មាតហ្វូនអាចមានចំណែកបង្កឱ្យកើតបទឧក្រិដ្ឋជាញឹកញាប់ ខណៈពេលរដ្ឋាភិបាលអង់គ្លេក៏បានស្នើឱ្យមានការដាក់ទោសផ្នែកឧក្រិដ្ឋដល់អ្នកបង្ហោះរូបភាពអាសអាភាស ដើម្បីសងសឹកដែរ ដោយដាក់ទោសឱ្យជាប់គុក២ឆ្នាំ ៕
ចែករំលែកព័តមាននេះ