បឹងផ្កាឈូកគឺជាឈ្មោះដែលអ្នកស្រុកហៅតៗគ្នា ដោយផ្អែកលើទឹកពណ៌ផ្កាឈូកដ៏ស្រស់ប្រណីតគួរឱ្យចង់គយគន់ ។
បឹង Hillier Lake ស្ថិតនៅលើកោះ Middle Island ភាគខាងលិចប្រទេសអូស្ត្រាលី មានប្រវែងបណ្តោយ៦០០ម៉ែត្រ និងទទឹង២៥០ម៉ែត្រ ។ បឹងនេះរកឃើញជាលើកដំបូងក្នុងឆ្នាំ១៨០២ ដោយលោក Matthew Flinders អ្នកស្រាវជ្រាវជនជាតិអង់គ្លេស ។
ពណ៌ផ្កាឈូករបស់បឹងនោះ ស្ថិតនៅជាអចិន្ត្រៃយ៍ គឺមិនបាត់បង់ ឬប្រែពណ៌ឡើយ ដែលចាត់ទុកជារឿងចម្លែកមួយនៅក្នុងលោក។ រហូតមកដល់ពេលបច្ចុប្បន្នពុំមានអ្នកជំនាញណាមួយអះអាងបញ្ជាក់ពីបាតុភូតធ្វើឱ្យទឹកបឹងនោះប្រែជាពណ៌ផ្កាឈូកទេ តែមានការសន្និដ្ឋានថា បណ្តាលមកពីបាក់តេរីពពួក halophillic ពណ៌ក្រហមរស់នៅក្នុងសំបកថ្មអំបិល ។
ដោយសារតែទឹកបឹងមានពណ៌ផ្កាឈូកល្អប្លែកទាក់ទាញអ្នកទេសចរអន្តរជាតិច្រើនទៅទស្សនាកម្សាន្ត ៕
ចែករំលែកព័តមាននេះ