សហរដ្ឋអាមេរិក ៖ អតីតកំពូលកីឡាករបាល់បោះអាមេរិកលោក Michael Jordan បានធ្វើការបរិច្ចាគទឹកប្រាក់ចំនួន ១០០លានដុល្លារអាមេរិកសម្រាប់រយៈពេល ១០ឆ្នាំដល់អង្គការផ្សេងៗគ្នា ក្នុងគោលបំណងដើម្បីលុបបំបាត់ចោល ការរើសអើងពូជសាសន៍…
សហរដ្ឋអាមេរិក ៖ អតីតកំពូលកីឡាករបាល់បោះអាមេរិកលោក Michael Jordan បានធ្វើការបរិច្ចាគទឹកប្រាក់ចំនួន ១០០លានដុល្លារអាមេរិកសម្រាប់រយៈពេល ១០ឆ្នាំដល់អង្គការផ្សេងៗគ្នា ក្នុងគោលបំណងដើម្បីលុបបំបាត់ចោល ការរើសអើងពូជសាសន៍ យុត្តិធម៌សង្គម និងលទ្ធភាពទទួលបានការអប់រំពេញលេញ។
ការបរិច្ចាគនេះត្រូវបានគេជឿថា ជាការចូលរួមវិភាគទានហិរញ្ញវត្ថុដ៏ធំបំផុតសម្រាប់វិស័យកីឡា ដល់ក្រុមអ្នកមិនស្វែងរកប្រាក់ចំណេញ ដើម្បីជួយដល់ការងារសង្គម។
អ្នកតំណាងលោក Michael Jordan គឺលោកស្រី Estee Portnoy បានឱ្យដឹងថា «ថ្ងៃនេះយើងសូមធ្វើការប្រកាសថា Michael Jordan និង Jordan Brand នឹងបរិច្ចាគប្រាក់ចំនួន ១០០ លានដុល្លារក្នុងរយៈពេល ១០ ឆ្នាំ សម្រាប់ផ្តល់ដល់អង្គការនានា ដែលប្តេជ្ញាធានានូវសមភាពពូជសាសន៍ យុត្តិធម៌សង្គម និងលទ្ធភាពទទួលបានការអប់រំកាន់តែច្រើន»។
វាត្រូវបានគេមើលឃើញថា សកម្មភាពបរិច្ឆាគយ៉ាងច្រើនសន្ធឹកសន្ធាប់ខាងលើនេះ កើតឡើងបន្ទាប់ពីផ្ទុះការតវ៉ាទូទាំងសហរដ្ឋអាមេរិក ដែលមិនធ្លាប់មានពីមុនមក ក្នុងរយៈពេលមួយសប្តាហ៍ក្នុងទីក្រុងជាច្រើន បន្ទាប់ពីការបាត់បង់ជិវីតរបស់បុរសជនជាតិស្បែកខ្មៅ George Floyd កាលពីថ្ងៃទី២៥ ខែឧសភា ឆ្នាំ២០២០ ដោយសារប៉ូលិសម្នាក់ប្រចាំទីក្រុង Minneapolis រដ្ឋ Minnesota សង្កត់ករហូតដល់ដាច់ខ្យល់ស្លាប់។
ការធ្វើបាតុកម្មទ្រង់ទ្រាយធំ ត្រូវបានធ្វើឡើងនៅគ្រប់រដ្ឋទាំង ៥០ ដោយក្រុមបាតុករទាមទារឱ្យបញ្ឈប់ជាបន្ទាន់ នូវអំពើឃោរឃៅរបស់ក្រុមប៉ូលីស និងការរើសអើងពូជសាសន៍ជាប្រព័ន្ធមកលើជនជាតិស្បែកខ្មៅ៕ (ដកស្រង់ចេញពី CNA)
ចែករំលែកព័តមាននេះ