វៀតណាម ៖ រយៈពេលប៉ុន្មានថ្ងៃចុងក្រោយនេះទាំងកម្ពុជា វៀតណាម និងឡាវ កំពុងជ្រួលច្របល់ជុំវិញបញ្ហានៃការរអាក់រអួលប្រព័ន្ធអ៊ីនធើរណែត ។ ខណៈពេលនេះខាងភាគីវៀតណាមបានឲ្យដឹងថា មូលហេតុនេះគឺបណ្តាលមកពីការធ្លាយនូវប្រព័ន្ធខ្សែកាបក្រោមបាតសមុទ្រ ។
ពេលនេះខាងប្រទេសវៀតណាម កំពុងតែតភ្ជាប់ខ្សែអ៊ីនធើរណែតកំរិតខ្ពស់ដែលអាចឱ្យប្រជាជនប្រើប្រាស់អ៊ីនធើរណែតនៅតាមផ្ទះ នៅក្នុងអំឡុងពេលប្រទេសកំពុងមានវិបត្តិកូវីដ១៩ ប្រឈមមុខនឹងការរអាក់រអួល ។ សូមបញ្ជាក់ថា ការប្រើប្រាស់អ៊ីនធើរណែតនៅតាមផ្ទះមានកំណើនខ្ពស់ បន្ទាប់ពីសាលារៀននៅវៀតណាម ក៏ដូចនៅកម្ពុជា បានបិទសាលាដើម្បីចូលរួមទប់ស្កាត់ការរីករាលដាលនៃជំងឺកូវីដ១៩ នេះ។
ដូច្នេះការរៀនសូត្រ តម្រូវឲ្យប្រជាជនត្រូវប្រើប្រាស់អ៊ីនធើរណែតកំរិតខ្ពស់នេះ បានទៅលើការធ្វើការងារនៅផ្ទះ រៀនបែបតាម digital (E-learning) និងការប្រើអាជីវកម្ម digital ផ្នែកពាណិជ្ជកម្មផងដែរ។ នេះបើយោងតាមការផ្សាយរបស់សារព័ត៌មាន AEC News Today ចេញផ្សាយកាលពីថ្ងៃទី២ ខែមិថុនា។
សារព័ត៌មាន AEC News Today បានបន្តថា ស្ថានភាពនៃសេវាកម្មប្រើប្រាស់ អ៊ីនធើរណែតអន្តរជាតិនេះ កំពុងមានបញ្ហា សម្រាប់អ្នកដែលប្រើប្រាស់ ដែលបានតចេញពីខ្សែកាបពីនាវាមុជទឹកធំៗ ចំនួន២គ្រឿង ដោយសារកំពុងមានភាពជាប់គាំង និងរអាក់រអួល នៃការតភ្ជាប់ដែលចេញមកពីប្រទេសវៀតណាមនេះ ដែលមិនទាន់ត្រូវបានរកឃើញនៃកំហុសណាមួយ។
ប្រទេសដែលទទួលរងផលប៉ះពាល់នេះ មានដូចជា ប្រទេសវៀតណាម កម្ពុជា និងឡាវ ដែលធ្វើឱ្យអ្នកប្រើប្រាអ៊ីនធើរណែត មានភាពយឺត និងខុសប្រក្រតី ជាងសេវាកម្មអ៊ីនធើរណែតផ្សេងៗទៀត។ សេវាកម្មដែលអាចយឺតយ៉ាវទាំងនោះមានដូចជា សេវាកម្មផ្ញើសារនានា កម្មវិធីទូរស័ព្ទចល័ត គេហទំព័រប្រព័ន្ធផ្សព្វផ្សាយ និងគេហទំព័រជាច្រើនទៀតផងដែរ។
ខណៈកំពុងជួបនូវការខូចខាត ឬកំហុសណាមួយនោះ វាគឺជារឿងមួយមិនធម្មតាទេ ដែលខ្សែកាបរបស់នាវាមុជទឹកមួយ ក្នុងចំណោមនាវា៦ ដែលចេញពីប្រទេសវៀតណាមត្រូវបានខូចខាត ក៏ព្រោះថាខ្សែកាបធំជាងគេ ២នេះ មានសមត្ថភាពខ្ពស់ ហើយត្រូវបានខូចខាតក្នុងពេលតែមួយ។ វាអាចនឹងបង្កឱ្យអ្នកផ្តល់សេវាអ៊ីនធើរណែត (ISP) អាចចូលលួច ឬបង្វែរទិសដៅ ចូលទៅក្នុងបណ្តាញប្រព័ន្ធប្រើប្រាស់ជាច្រើន ដែលរត់ចូលទៅក្នុងប្រទេសចិន។
ជុំវិញបញ្ហាទាំងនោះ គឺបានចាប់ផ្តើមចេញពី អាស៊ីប៉ាស៊ីហ្វិកហ្គេត (APG) ដែលបានបង្ហាញកាលពីនៅថ្ងៃទី ២០ ខែមេសា កន្លងទៅនេះ ដែលបានផ្អាកសេវាអ៊ីនធើរណេតនេះរយៈពេល ៣ថ្ងៃ បន្ទាប់ពីអ្នកគ្រប់គ្រងបណ្តាញកំណត់រចនាសម្ព័ន្ធរបស់ខ្លួនឡើងវិញ។ រហូតមកដល់ថ្ងៃទី ២៣ ឧសភានេះ ប្រព័ន្ធទាំងមូលត្រូវបានបញ្ឈប់ ឬផ្អាក ដោយសារតែមិនមានការរកឃើញនូវបញ្ហា ឬកំហុសណាមួយ។
ក្នុងការចរាចរណ៍ នៃអ៊ីនធើរណែតអន្តរជាតិនេះ ប្រទេសវៀតណាមបានកាន់កាប់ភាគហ៊ុន លើសពី៦០ភាគរយ ហើយវាមានរយៈពេល និងអាយុកាលជិត ១២ ឆ្នាំហើយ ដែល AAG ផ្តល់នូវល្បឿនទិន្នន័យ ៥,២ Tbps ខណៈពេលដែលបញ្ហាបានញាំញីដោយ APG ដែលមានកម្រិតបញ្ជូន ៥៤ Tbps ដូចគ្នាដែរ ដែលជាកម្រិតខ្ពស់បំផុតនៃបណ្តាញអ៊ីនធើរណែតនានា នៅក្នុងអាស៊ី។
បុគ្គលិកម្នាក់នៃក្រុមប្រៃសណីយ៍ និងទូរគមនាគមន៍វៀតណាម (VNPT) (ដែលសុំមិនបញ្ចេញឈ្មោះ) ខណៈដែលពួកគេមិនត្រូវបានអនុញ្ញាត ឱ្យធ្វើសេចក្តីថ្លែងការណ៍ជាសាធារណៈនោះទេ គាត់បានប្រាប់សារព័ត៌មាន AEC News Today ថា «ការងារជួសជុលផ្នែក S1H របស់ AAG ត្រូវបានគេរំពឹងថា នឹងបញ្ចប់នៅថ្ងៃនេះ (ថ្ងៃទី២ ខែមិថុនា) ប៉ុន្តែវាអាចនឹងរំពឹងបានថា នឹងមានការជួសជុល រហូតដល់ថ្ងៃទី ៦ ខែមិថុនានេះ»។ គាត់បន្តថា «ពួកយើងកំពុងព្យាយាមរកមើលកំហុស បន្តទៀត»។
ក្នុងការដំណើរការក្រោមមហាសមុទ្រប៉ាស៊ីហ្វិក និងបានភ្ជាប់ជាមួយបណ្តាប្រទេសចំនួន ៨ រួមមានម៉ាឡេស៊ី ថៃ និងសឹង្ហបូរី។
គួរបញ្ជាក់ផងដែរថា APG បានចាប់ផ្តើមដំណើរការតាំងពីខែធ្នូ ឆ្នាំ ២០១៦ មកម្ល៉េះ ដែលចំណាយទុនក្នុងតម្លៃ ៤៥០ លានដុល្លារអាមេរិក។ ហើយក្រុមហ៊ុន ISPs របស់វៀតណាម កំពុងប្រើប្រាស់សេវាកម្មមួយចំនួនរបស់ APG គឺ VNPT, Viettel, FPT ទូរគមនាគមន៍ និង CMC ទូរគមនាគមន៍៕ ដកស្រង់ចេញពីវេបសាយ ៖ aecnewstoday (កែសម្រួលដោយ ៖ បុប្ផា)
ចែករំលែកព័តមាននេះ