វ៉ាស៊ីនតោន ៖ រយៈពេលជាងមួយសប្តាហ៍ក្រោយការស្លាប់បុរសស្បែក.ខ្មៅ George Floyd វ័យ៤៦ ឆ្នាំដោយស្នាដៃប៉ូលីសស្បែកសអាមេរិកនៅ Minnesota បាតុកម្មហិង្សា ការឆក់ប្លន់ដោយជនឆ្លៀតឱកាសមួយចំនួន រហូតមានការបង្ក្រាបយ៉ាងធ្ងន់ដៃពីសំណាក់ប៉ូលីស ។ កាន់តែធ្ងន់ធ្ងររឿងការស្លាប់របស់បុរសស្បែកខ្មៅរូបនេះបានធ្វើឲ្យមានរលកបាតុកម្មប្រឆាំងនឹងការរើសអើងពូជសាសន៍ ។
តែអ្វីដែលគួរឲ្យសម្គាល់នោះគឺមិនមែនតែរឿងបាតុកម្មដ៏ក្តៅគគុកក្រោយការស្លាប់ Floyd នោះទេ រឿងរ៉ាវដែលកាន់តែគួរឲ្យចាប់អារម្មណ៍មួយទៀតនោះ គឺស្រីស្អាតដែលប្តីជាអតីតប៉ូលីសរងការចោទប្រកាន់ពាក់ព័ន្ធការស្លាប់របស់បុរសស្បែក.ខ្មៅ ដែលកំពុងត្រូវប្រពន្ធដ៏ស្រស់ស្អាតដាក់ពាក្យលែងលៈទៅតុលាការនិងសុំលុបឈ្មោះនាងចេញកុំឲ្យពាក់ព័ន្ធនឹងបុរសជាប្តីនោះទៀត ។
ភរិយារបស់ Derek Chauvin ដែលជាអតីតមន្ត្រីប៉ូលីស Minneapolis ត្រូវបានចោទប្រកាន់ពីបទឃាតកម្មកំរិតទី ៣ ក្នុងការស្លាប់របស់បុរសជនជាតិអាមេរិកកាត់អាហ្វ្រិក – George Floyd បានដាក់ពាក្យលែងលះពីប្តីរបស់នាងកាលពីថ្ងៃទី ៣ មិថុនា បង្កឲ្យមានការចាប់អារម្មណ៍ពីមហាជនមួយកម្រិតទៀតនៅសង្គមអាមេរិក ។
នាង Kellie May Chauvin អាយុខ្ទង់ឆ្នាំ ៤៥ ឆ្នាំដែលជា បានដាក់ពាក្យសុំលែងលះប្តីនោះនាងបានលើកឡើងពីការបែកបាក់ដែលមិនអាចបកស្រាយបាននៅក្នុងឯកសារលែងលះដែលត្រូវបានមើលឃើញដោយសារព័ត៌មាន Daily Mail ហើយក៏បានដាក់ពាក្យស្នើសុំឱ្យប្តូរឈ្មោះរបស់នាងផងដែរ។ នាង Chauvin កើតនៅប្រទេសឡាវឆ្នាំ ១៩៧៤ និងភៀសខ្លួនមករស់នៅប្រទេសថៃនាឆ្នាំ ១៩៧៧ ដោយសារតែសង្គ្រាមមុនពេលនាងនិងក្រុមគ្រួសារអាចភៀសខ្លួនបន្តមកកាន់ទឹកដីសហរដ្ឋអាមេរិក ។
យោងតាមសារព័ត៌មាន Daily Mail បាន ឲ្យដឹង ថាលោក Kellie Chauvin បានមកដល់សហរដ្ឋអាមេរិកក្នុងនាមជាជនភៀសខ្លួនពីប្រទេសឡាវ។ ពេលមកដល់អាមេរិកនាងធ្លាប់ជាអ្នកបច្ចេកទេសផ្នែកវិទ្យុវិទ្យានៅមជ្ឈមណ្ឌលវេជ្ជសាស្ត្រហេនណីផិនមណ្ឌល Minneapolis ដែលអាជ្ញាធរបានប្រកាសថាលោកចចផ្លេដស្លាប់កាលពីខែមុន។ អ្នកទាំង ២ បានជួបគ្នានៅទីនោះនៅពេលអតីតប្តីបាននាំជនសង្ស័យចូលមកពិនិត្យសុខភាពហើយ ក្រោយមកពួកគេបានរៀបការនៅថ្ងៃទី ១២ ខែមិថុនាឆ្នាំ ២០១០ នៅវ៉ាស៊ីនតោន។
នាង Kellie Chauvin ធ្លាប់បានធ្វើដំណើរទៅ Las Vegas ក្នុងឆ្នាំ ២០១៩ ដើម្បីប្រកួតប្រជែងនៅថ្នាក់ជាតិក្នុងការប្រកួតសម្រស់បវរកញ្ញាសហរដ្ឋអាមេរិក ៕
ចែករំលែកព័តមាននេះ