Bayern ត្រូវការឈ្នះ២ប្រកួតទៀតប៉ុណ្ណោះ ដើម្បីក្លាយជាម្ចាស់ជើងឯករដូវកាលនេះ
ប្រទេសអាល្លឺម៉ង់ ៖ ក្រុម FC Bayern Munich ត្រូវការឈ្នះតែ ២ប្រកួតទៀតប៉ុណ្ណោះ ពីការប្រកួតចំនួន ៤…
ប្រទេសអាល្លឺម៉ង់ ៖ ក្រុម FC Bayern Munich ត្រូវការឈ្នះតែ ២ប្រកួតទៀតប៉ុណ្ណោះ ពីការប្រកួតចំនួន ៤…
ប្រទេសអាល្លឺម៉ង់ ៖ ក្រុម FC Bayern Munich ត្រូវការឈ្នះតែ ២ប្រកួតទៀតប៉ុណ្ណោះ ពីការប្រកួតចំនួន ៤ លើកចុងក្រោយរបស់ពួកគេ ដើម្បីក្លាយជាម្ចាស់ជើងក្របខណ្ឌ Bundesliga ជាលើកទី ៨ឆ្នាំជាប់គ្នា បន្ទាប់ពីបានបំបាក់ក្រុមម្ចាស់ផ្ទះ Bayer Leverkusen ដោយលទ្ធផល ៤-២ ក្នុងជំនួបសប្តាហ៍ទី ៣០ កាលពីថ្ងៃសៅរ៍។
សូមជម្រាបជូនថា ក្រុមរបស់លោក Hansi Flick ទើបតែចាញ់មួយប្រកួតប៉ុណ្ណោះ ពីការប្រកួតចំនួន ២១ លើកចុងក្រោយរបស់ពួកគេ នៅគ្រប់កម្មវិធីទាំងអស់ ។
ងាកមកកាន់ការប្រកួត ដែលធ្វើឡើងក្នុងកីឡដ្ឋានគ្មានអ្នកទស្សនា BayArena ជ័យជម្នះរបស់ក្រុមភ្ញៀវរកបានដោយកីឡាករ Kingsley Coman, Leon Goretzka, Serge Gnabry និងខ្សែប្រយុទ្ធឆ្នើម Robert Lewandowski ។ ដោយឡែក ២គ្រាប់របស់ក្រុមម្ចាស់ផ្ទះ រកបានដោយកីឡាករ Lucas Alario និង Florian Wirtz ។
ជ័យជម្នះនេះធ្វើឱ្យ Bayern Munich មាន ៧០ពិន្ទុឈរនៅកំពូលតារាង ដាច់ក្រុមចំណាត់ថ្នាក់លេខ២ Borussia Dortmund ចំនួន ៧ពិន្ទុ ខណៈត្រូវការឈ្នះតែ ២ប្រកួតទៀតប៉ុណ្ណោះ ដើម្បីក្លាយជាម្ចាស់ជើងឯក Bundesliga រដូវកាល ២០១៩-២០ ៕ (ដកស្រង់ចេញពី BBC)
ចែករំលែកព័តមាននេះ